ಪ್ರೇಷಿತರ ಭೇಟಿಗಾಗಿ ಸ್ಪೇನ್‌ಗೆ ಜಗದ್ಗುರು ಲಿಯೋರವರ ಪ್ರಯಾಣ ಆರಂಭ.

ವ್ಯಾಟಿಕನ್ ವರದಿ

ಶನಿವಾರ ಬೆಳಿಗ್ಗೆ 8:13ಕ್ಕೆ, ಜಗದ್ಗುರು XIVನೇ ಲಿಯೋರವರು  ಹಾಗೂ ಪತ್ರಕರ್ತರನ್ನು ಹೊತ್ತೊಯ್ಯುತ್ತಿದ್ದ ಐಟಿಎ ಏರ್‌ವೇಸ್ ವಿಮಾನವು ರೋಮಿನ ಫಿಯುಮಿಚಿನೋ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಸ್ಪೇನ್‌ಗೆ ಅವರ ಪ್ರೇಷಿತರ ಯಾತ್ರೆಯನ್ನು ಆರಂಭಿಸಲು ಹೊರಟಿತು.

ಈ ವಿಮಾನವು ಬೆಳಿಗ್ಗೆ 10:30ಕ್ಕೆ ಮ್ಯಾಡ್ರಿಡ್–ಬರಾಹಾಸ್ ಅಡೋಲ್ಫೊ ಸುಆರೆಸ್ ವಿಮಾನ ನಿಲ್ದಾಣದಲ್ಲಿ ಇಳಿಯುವ ನಿರೀಕ್ಷೆಯಿದೆ.

ಮ್ಯಾಡ್ರಿಡ್‌ನಲ್ಲಿ ಜಗದ್ಗುರು ಲಿಯೋರವರ ಕಾರ್ಯಕ್ರಮವು ರಾಯಲ್ ಪ್ಯಾಲೇಸ್‌ನಲ್ಲಿ ನಡೆಯುವ ಅಧಿಕೃತ ಸ್ವಾಗತ ಸಮಾರಂಭದೊಂದಿಗೆ ಆರಂಭವಾಗಲಿದ್ದು, ಬಳಿಕ ಮಧ್ಯಾಹ್ನ 12 ಗಂಟೆಗೆ ಸ್ಪೇನ್‌ನ ರಾಜ VIನೇ ಫೆಲಿಪೆಯವರು ಮತ್ತು ರಾಣಿ ಲೆತಿಸಿಯಾರವರನ್ನು ಸೌಜನ್ಯ ಭೇಟಿಗಾಗಿ ಭೇಟಿ ಮಾಡಲಿದ್ದಾರೆ. ಮಧ್ಯಾಹ್ನ 12:30ಕ್ಕೆ ಅವರು ಅದೇ ಅರಮನೆಯಲ್ಲಿ ಸರ್ಕಾರಿ ಅಧಿಕಾರಿಗಳು, ನಾಗರಿಕ ಸಮಾಜದ ಪ್ರತಿನಿಧಿಗಳು ಹಾಗೂ ರಾಜತಾಂತ್ರಿಕ ದಳದ ಸದಸ್ಯರನ್ನು ಉದ್ದೇಶಿಸಿ ಭೇಟಿಯಾಗಲಿದ್ದಾರೆ.

ಸಂಜೆ 6 ಗಂಟೆಗೆ, ಜಗದ್ಗುರುಗಳು“ಸೆಡಿಯಾ 24 ಹೊರಾಸ್”  ಸಾಮಾಜಿಕ ಯೋಜನೆಯ ಮಾಹಿತಿ ಮತ್ತು ಸ್ವಾಗತ ಕೇಂದ್ರಕ್ಕೆ ಭೇಟಿ ನೀಡಿ, ಅಲ್ಲಿನ ಸಿಬ್ಬಂದಿ ಮತ್ತು ಯೋಜನೆಯ ಫಲಾನುಭವಿಗಳನ್ನು ಭೇಟಿಯಾಗಲಿದ್ದಾರೆ.

ನಂತರ, ರಾತ್ರಿ 8:30ಕ್ಕೆ, ಜಗದ್ಗುರು ಲಿಯೋರವರು ಮ್ಯಾಡ್ರಿಡ್‌ನ ಪ್ಲಾಸಾ ದೆ ಲಿಮಾದಲ್ಲಿ ಯುವಜನರೊಂದಿಗೆ ನಡೆಯುವ ಪ್ರಾರ್ಥನಾ ಜಾಗರಣೆಗೆ ಅಧ್ಯಕ್ಷತೆ ವಹಿಸಲಿದ್ದಾರೆ.

ಸ್ಪೇನ್‌ನ ರಾಜಧಾನಿಯಲ್ಲಿ ತಮ್ಮ ಕಾರ್ಯಕ್ರಮಗಳನ್ನು ಪೂರ್ಣಗೊಳಿಸಿದ ಬಳಿಕ, ಜಗದ್ಗುರುಗಳು ಮಂಗಳವಾರ ಬಾರ್ಸಿಲೋನಾಕ್ಕೆ ಪ್ರಯಾಣ ಬೆಳೆಸಲಿದ್ದು, ಗುರುವಾರ ಅಲ್ಲಿಂದ ಕ್ಯಾನರಿ ದ್ವೀಪಗಳಿಗೆ ತೆರಳಲಿದ್ದಾರೆ.