ಜಗದ್ಗುರು ಲಿಯೋರವರು ಯುರೋಪಿಯನ್ ಕೌನ್ಸಿಲ್ ಅಧ್ಯಕ್ಷರೊಂದಿಗೆ ಮಾತುಕತೆ ನಡೆಸುತ್ತಾರೆ.
ವ್ಯಾಟಿಕನ್ ವರದಿ
ಬುಧವಾರ ಮಧ್ಯಾಹ್ನ, ಜಗದ್ಗುರು XIVನೇ ಲಿಯೋರವರು ಯುರೋಪಿಯನ್ ಕೌನ್ಸಿಲ್ ಅಧ್ಯಕ್ಷರಾದ ಶ್ರೀ ಅಂಟೋನಿಯೊ ಕಾಸ್ಟಾರವರೊಂದಿಗೆ ದೂರವಾಣಿ ಮಾತುಕತೆ ನಡೆಸಿದರು ಎಂದು ಜಗದ್ಗುರುಗಳ ಅಧಿಕಾರ ಸ್ಥಳದ ಪತ್ರಿಕಾ ಕಚೇರಿ ತಿಳಿಸಿದೆ.
ಒಂದು ಪ್ರಕಟಣೆಯಲ್ಲಿ, ಈ ಸ್ನೇಹಪೂರ್ಣ ಸಂಭಾಷಣೆಯ ಸಂದರ್ಭದಲ್ಲಿ ಜಗದ್ಗುರುಗಳು ಹಾಗೂ ಯುರೋಪಿಯನ್ ಕೌನ್ಸಿಲ್ ಅಧ್ಯಕ್ಷರು ಮಧ್ಯಪ್ರಾಚ್ಯದ ಪರಿಸ್ಥಿತಿಯ ಬಗ್ಗೆ ಚರ್ಚಿಸಿದರು. ವಿಶೇಷವಾಗಿ ಪ್ಯಾಲೆಸ್ಟೈನ್ ರಾಜ್ಯದ ವೆಸ್ಟ್ ಬ್ಯಾಂಕ್ ಪ್ರದೇಶದ ಸ್ಥಿತಿ ಹಾಗೂ ದಕ್ಷಿಣ ಲೆಬನಾನ್ನಲ್ಲಿರುವ ಕ್ರೈಸ್ತರ ಪರಿಸ್ಥಿತಿಗೆ ಗಮನ ಹರಿಸಲಾಯಿತು ಎಂದು ಪತ್ರಿಕಾ ಕಚೇರಿ ತಿಳಿಸಿದೆ.
ಜಗದ್ಗುರುಗಳ ಅಧಿಕಾರ ಸ್ಥಳದ ಪತ್ರಿಕಾ ಕಚೇರಿಯು ಇನ್ನೂ ತಿಳಿಸಿದಂತೆ, ಜಗದ್ಗುರುಗಳು ಏಪ್ರಿಲ್ 13ರಿಂದ 23ರವರೆಗೆ ನಡೆದ ತಮ್ಮ ಇತ್ತೀಚಿನ ಆಫ್ರಿಕಾದ ಪ್ರೇಷಿತರ ಪ್ರವಾಸದ ಬಗ್ಗೆ ತಮ್ಮ ಚಿಂತನೆಗಳನ್ನು ಹಂಚಿಕೊಂಡರು. ಈ ಪ್ರವಾಸದ ಸಂದರ್ಭದಲ್ಲಿ ಅವರು ಅಲ್ಜೀರಿಯಾ, ಕ್ಯಾಮರೂನ್, ಅಂಗೋಲಾ ಹಾಗೂ ಇಕ್ವೇಟೋರಿಯಲ್ ಗಿನಿಯಾ ದೇಶಗಳಿಗೆ ಭೇಟಿ ನೀಡಿದ್ದರು.
ಈ ಪ್ರಕಟಣೆಯ ಪ್ರಕಾರ, ಜಗದ್ಗುರುಗಳು“ಧರ್ಮಾಂತರ ಸಂವಾದದ ಮಹತ್ವವನ್ನು, ಶಾಂತಿಯ ಪ್ರೋತ್ಸಾಹವನ್ನು ಹಾಗೂ ಖಂಡದ ಅತ್ಯಂತ ಹಿಂದುಳಿದ ಸಮುದಾಯಗಳಿಗೆ ಬೆಂಬಲ ನೀಡುವ ಅಗತ್ಯವನ್ನು” ಒತ್ತಿಹೇಳಿದರು.
