ಜಗದ್ಗುರು XIVನೇ ಲಿಯೋರವರು ಫ್ರಾನ್ಸ್ ಅಧ್ಯಕ್ಷ ಮ್ಯಾಕ್ರೋನ್ ರವರನ್ನು ಭೇಟಿ ಮಾಡಿದರು.

ವ್ಯಾಟಿಕನ್ ವರದಿ

ಫ್ರಾನ್ಸ್ ಅಧ್ಯಕ್ಷ ಎಮ್ಯಾನುಯೆಲ್ ಮ್ಯಾಕ್ರೋನ್ ರವರು ವ್ಯಾಟಿಕನ್‌ನ ಸಂತ ಡಾಮಾಸಸ್ ಆವರಣಕ್ಕೆ ಆಗಮಿಸಿ, ಪ್ರೇಷಿತರ ಅರಮನೆಯಲ್ಲಿ ಜಗದ್ಗುರು XIVನೇ ಲಿಯೋರವರನ್ನು ಭೇಟಿಯಾಗಲು ಹಾಜರಾದರು. ತಮ್ಮ ಪತ್ನಿ ಬ್ರಿಜಿಟ್ ರವರೊಂದಿಗೆ ಬಂದಿದ್ದ ರಾಷ್ಟ್ರಪತಿಯನ್ನು ಪಾಪಲ್ ಹೌಸ್‌ಹೋಲ್ಡ್‌ನ ಪ್ರಿಫೆಕ್ಚರ್‌ನ ರೀಜೆಂಟ್ ಆಗಿರುವ ಲಿಯೋನಾರ್ಡೋ ಸಪಿಯೆಂಝಾ ಸ್ವಾಗತಿಸಿದರು.

ಸಾಲಾ ಡೆಲ್ ಟ್ರೊನೆಟ್ಟೊ ಸಭಾಂಗಣದಲ್ಲಿ ಮ್ಯಾಕ್ರೋನ್ ರವರು ಜಗದ್ಗುರುಗಳೊಂದಿಗೆ ಶುಭಾಶಯ ವಿನಿಮಯ ಮಾಡಿಕೊಂಡು ಕೈಕುಲುಕಿದರು. ಇದು ಅವರ ಮೊದಲ ವೈಯಕ್ತಿಕ ಭೇಟಿಯಾಗಿತ್ತು. ಜಗದ್ಗುರು ಫ್ರಾನ್ಸಿಸ್ ರವರ ಅವಧಿಯಲ್ಲಿ ಅವರು ಮೂರು ಬಾರಿ ವ್ಯಾಟಿಕನ್‌ಗೆ ಭೇಟಿ ನೀಡಿದ್ದರು.

ರಾಜ್ಯ ಕಾರ್ಯಾಲಯದಲ್ಲಿ ಮಾತುಕತೆಗಳು

ಜಗದ್ಗುರುಗಳನ್ನು ಭೇಟಿ ಮಾಡಿದ ಬಳಿಕ, ಮ್ಯಾಕ್ರೋನ್ ರವರು ವ್ಯಾಟಿಕನ್ ರಾಜ್ಯ ಕಾರ್ಯದರ್ಶಿ ಕಾರ್ಡಿನಲ್ ಪಿಯೆಟ್ರೋ ಪಾರೋಲಿನ್ ರವರನ್ನು ಭೇಟಿ ಮಾಡಿದರು. ಅವರೊಂದಿಗೆ ರಾಷ್ಟ್ರಗಳು ಮತ್ತು ಅಂತರರಾಷ್ಟ್ರೀಯ ಸಂಸ್ಥೆಗಳ ಸಂಬಂಧಗಳ ಕಾರ್ಯದರ್ಶಿಯಾದ ಆರ್ಚ್‌ಬಿಷಪ್ ಪಾಲ್ ರಿಚರ್ಡ್ ಗ್ಯಾಲಾಗರ್ ಸಹ ಇದ್ದರು.

ರಾಜ್ಯ ಕಾರ್ಯಾಲಯದಲ್ಲಿ ನಡೆದ ಆತ್ಮೀಯ ಮಾತುಕತೆಗಳ ವೇಳೆ, ಎಂದು ಜಗದ್ಗುರುಗಳ ಅಧಿಕಾರ ಸ್ಥಳದ ಪತ್ರಿಕಾ ಕಚೇರಿಯ ಪ್ರಕಟಣೆ ತಿಳಿಸಿತು, “ಜಗದ್ಗುರುಗಳ ಅಧಿಕಾರ ಸ್ಥಳ ಮತ್ತು ಫ್ರಾನ್ಸ್ ನಡುವಿನ ಉತ್ತಮ ಸಂಬಂಧಗಳನ್ನು ಒಪ್ಪಿಕೊಳ್ಳಲಾಯಿತು. ನಂತರ ಚರ್ಚೆಗಳು ಪ್ರಮುಖ ಅಂತರರಾಷ್ಟ್ರೀಯ ವಿಷಯಗಳ ಮೇಲೆ ಕೇಂದ್ರೀಕರಿಸಿ, ವಿಶ್ವದಾದ್ಯಂತ ನಡೆಯುತ್ತಿರುವ ಸಂಘರ್ಷಗಳ ಕುರಿತು ಅಭಿಪ್ರಾಯ ವಿನಿಮಯ ನಡೆಯಿತು. ಸಂವಾದ ಮತ್ತು ಮಾತುಕತೆಗಳ ಮೂಲಕ ಶಾಂತಿಯುತ ಸಹವಾಸವನ್ನು ಪುನಃ ಸ್ಥಾಪಿಸುವ ಭರವಸೆಯನ್ನು ವ್ಯಕ್ತಪಡಿಸಲಾಯಿತು.

ಸಾಂತ್’ಎಜಿಡಿಯೋ ಸಮುದಾಯದ ಭೇಟಿ

ಮ್ಯಾಕ್ರೋನ್ ರವರು ಏಪ್ರಿಲ್ 9 ಗುರುವಾರ ರೋಮಿಗೆ ಆಗಮಿಸಿದರು. ಅವರ ಮೊದಲ ಕಾರ್ಯಕ್ರಮಗಳಲ್ಲಿ ಒಂದಾಗಿ, ಟ್ರಾಸ್ಟೆವೆರೆ ಪ್ರದೇಶದ ಸಂತಾ ಮರಿಯಾ ಬಸಿಲಿಕಾದಲ್ಲಿರುವ ಸಾಂತ್’ಎಜಿಡಿಯೋ ಸಮುದಾಯಕ್ಕೆ ಭೇಟಿ ನೀಡಿದರು. ಅಲ್ಲಿ ಅವರನ್ನು ಅಧ್ಯಕ್ಷ ಮಾರ್ಕೋ ಇಂಪಾಗ್ಲಿಯಾಜ್ಜೋ, ಸಂಸ್ಥಾಪಕ ಆಂಡ್ರಿಯಾ ರಿಕ್ಕಾರ್ಡಿ ಮತ್ತು ಮಾರಿಯೊ ಗಿರೋ ಸ್ವಾಗತಿಸಿದರು.

ಫ್ರಾನ್ಸ್ ಅಧ್ಯಕ್ಷರೊಂದಿಗೆ ವಿದೇಶಾಂಗ ಸಚಿವ ಜೀನ್-ನೊಯೆಲ್ ಬರೋಟ್ ಸೇರಿದಂತೆ ದೊಡ್ಡ ಪ್ರತಿನಿಧಿ ಮಂಡಳಿ ಸಹ ಇತ್ತು. ಸಾಂತ್’ಎಜಿಡಿಯೋ ಭೇಟಿ, 2007ರಲ್ಲಿ ಗೊಮಾದಲ್ಲಿ ಹಾಳಾದ ಆಹಾರ ವಿತರಣೆ ವಿರುದ್ಧ ಧ್ವನಿಯೆತ್ತಿದ ಕಾರಣ ಹತ್ಯೆಗೀಡಾದ ಯುವ ಕಾಂಗೋ ದೇಶದ ಫ್ಲೋರಿಬರ್ಟ್ ಬ್ವಾನಾ ಚುಯಿರವರಿಗೆ ಗೌರವ ಸಲ್ಲಿಸುವುದರಿಂದ ಆರಂಭವಾಯಿತು. ಅವರನ್ನು 2025ರ ಜೂನ್‌ನಲ್ಲಿ ಧನ್ಯಸ್ಥರನ್ನಾಗಿ ಘೋಷಿಸಲಾಯಿತು.