“ಜಗದ್ಗುರುಗಳು ಚಲ್ದೇಯನ್ ಪ್ಯಾಟ್ರಿಯಾರ್ಕ್ಗೆ ಧರ್ಮ ಸಭೆಯ ಸಮಾಗಮವನ್ನು ಅನುಗ್ರಹಿಸಿದರು.”
ವ್ಯಾಟಿಕನ್ ವರದಿ
ನಾನು ನಿಮಗೆ ಧಾರ್ಮಿಕ ಸಮಾಗಮವನ್ನು ನೀಡುತ್ತಿರುವುದು ಮಹಾ ಆನಂದದಿಂದ ತುಂಬಿದ ಹೃದಯದಿಂದ, ಎಂದು ಜಗದ್ಗುರು ಲಿಯೋರವರು ಬಗ್ದಾದ್ನ ಚಲ್ದೇಯನ್ ಪ್ಯಾಟ್ರಿಯಾರ್ಕ್ ಪೋಲಿಸ್ III ನೋನಾರವರಿಗೆ ಬರೆದ ಪತ್ರದಲ್ಲಿ ತಿಳಿಸಿದ್ದಾರೆ. ಈ ಪತ್ರವನ್ನು ಇಂದು, ಏಪ್ರಿಲ್ 28ರಂದು, ಜಗದ್ಗುರುಗಳ ಅಧಿಕಾರ ಸ್ಥಳದ ಪತ್ರಿಕಾ ಕಚೇರಿಯು ಸಾರ್ವಜನಿಕಗೊಳಿಸಿದೆ.
ರೋಮಿನಲ್ಲಿ ಸೇರಿದ್ದ ತಮ್ಮ ಸುಯಿ ಐರಿಸ್ ಧರ್ಮ ಸಭೆಯ ಬಿಷಪ್ಗಳ ಸೈನೋಡ್ ಮೂಲಕ 2026ರ ಏಪ್ರಿಲ್ 12ರಂದು ಪ್ಯಾಟ್ರಿಯಾರ್ಕ್ ರವರನ್ನು ಕ್ಯಾನಾನಿಕಲ್ ರೀತಿಯಲ್ಲಿ ಆಯ್ಕೆ ಮಾಡಲಾಯಿತು.
ಪ್ಯಾಟ್ರಿಯಾರ್ಕ್ ನೋನಾ ರವರು ಮೊದಲು ಕೋಡೆಕ್ಸ್ ಕ್ಯಾನನಮ್ ಎಕ್ಲೆಸಿಯರಮ್ ಓರಿಯಂಟಲಿಯಂನ ಕ್ಯಾನನ್ 76 ಜಿ 2 ಪ್ರಕಾರ ಧಾರ್ಮಿಕ ಸಮಾಗಮವನ್ನು ನೀಡುವಂತೆ ವಿನಂತಿ ಸಲ್ಲಿಸಿದ್ದರು. ಜಗದ್ಗುರುಗಳ ಮಾತಿನಲ್ಲಿ, ಇದು “ಜಗದ್ಗುರುಗಳ ಅಧಿಕಾರ ಸ್ಥಳದ ಜೊತೆ ಪೂರ್ಣ ಸಮಾಗಮದ ವ್ಯಕ್ತೀಕರಣ ಮತ್ತು ಬಂಧವಾಗಿದ್ದು, ಧರ್ಮ ಸಭೆಯ ಏಕತೆಗೆ ಸಾಮಾನ್ಯ ಸೇವೆಯಲ್ಲಿ ಹಾಗೂ ಕ್ರಿಸ್ತನ ದೇಹದ ನಿರ್ಮಾಣದಲ್ಲಿ ಸಹಕಾರ ನೀಡುವ ಅರ್ಥವನ್ನು ಹೊಂದಿದೆ.
“ನಾನು ಸಂತೋಷದಿಂದ,” ಎಂದು ಜಗದ್ಗುರು ಲಿಯೋರವರು ಬರೆಯುತ್ತಾರೆ, “ಈ ಪ್ರಿಯ ಸುಯಿ ಐರಿಸ್ ಧರ್ಮ ಸಭೆಯ ತಂದೆಯೂ ಮುಖ್ಯಸ್ಥನೂ ಆಗಿರುವ ನಿಮ್ಮ ಬೀಟಿಟ್ಯೂಡ್ ರವರಿಗೆ ಒಪ್ಪಿಸಲಾದ ಸೇವೆಯನ್ನು ಧರ್ಮಾಧ್ಯಕ್ಷೀಯ ಕಾಳಜಿಯಿಂದ ನಿರ್ವಹಿಸಿ, ದೇವರ ಜನರನ್ನು ಕ್ರಿಸ್ತನ ಹೃದಯದಂತೆ ಮುನ್ನಡೆಸಿ, ಅವರನ್ನು ನಂಬಿಕೆ, ನಿರೀಕ್ಷೆ ಮತ್ತು ಪ್ರೀತಿಯಲ್ಲಿ ಸ್ಥಿರಗೊಳಿಸಲಿ ಎಂದು ನಾನು ಉತ್ಸಾಹಪೂರ್ಣ ಪ್ರಾರ್ಥನೆಗಳನ್ನು ಸಲ್ಲಿಸುತ್ತೇನೆ.”
ಪವಿತ್ರಾತ್ಮನು ಪ್ಯಾಟ್ರಿಯಾರ್ಕ್ ನೆರವೇರಿಸಬೇಕಾದ ಕಾರ್ಯವನ್ನು ಬೆಂಬಲಿಸಲಿ, “ಹಾಗಾಗಿ ತನ್ನ ಪ್ರಾಚೀನ ಪ್ರೇಷಿತರ ಪರಂಪರೆಯಿಂದ ಶ್ರೀಮಂತವಾಗಿರುವ ಮತ್ತು ಅನೇಕ ಹುತಾತ್ಮರ ಹಾಗೂ ನಂಬಿಕೆಗೆ ಸಾಕ್ಷಿಯಾದವರ ಪ್ರಕಾಶಮಾನ ಸಾಕ್ಷಿಯಿಂದ ಗುರುತಿಸಲ್ಪಟ್ಟಿರುವ ಚಲ್ದೇಯನ್ ಧರ್ಮ ಸಭೆಯ ಸುವಾರ್ತೆಯ ಪ್ರಕಟಣೆಯನ್ನು ಫಲಪ್ರದವಾಗಿಸುತ್ತಲೇ ಇರಲಿ,” ಹಾಗೂ ಧರ್ಮ ಸಭೆಯ ಸಮಾಗಮವನ್ನು “ತಮ್ಮ ಪ್ರದೇಶದಲ್ಲಿಯೂ ಮತ್ತು ನಿರಂತರವಾಗಿ ವಿಸ್ತರಿಸುತ್ತಿರುವ ವಲಸೆ ಸಮುದಾಯಗಳಲ್ಲಿಯೂ” ಬಲಪಡಿಸಲಿ ಎಂದು ಜಗದ್ಗುರುಗಳು ಪ್ರಾರ್ಥಿಸುತ್ತಾರೆ.
ನಂತರ ಜಗದ್ಗುರು ಲಿಯೋರವರು ಚಲ್ದೇಯನ್ ಧರ್ಮ ಸಭೆಯ ಬಿಷಪ್ಗಳಿಗೆ, ಗುರುಗಳಿಗೆ, ಧಾರ್ಮಿಕ ಪುರುಷರು ಮತ್ತು ಮಹಿಳೆಯರಿಗೆ, ಗುರು ವಿದ್ಯಾರ್ಥಿ ಮಂದಿರದ ವಿದ್ಯಾರ್ಥಿಗಳಿಗೆ, ಸಮರ್ಪಿತ ಜೀವನಕ್ಕೆ ತಯಾರಾಗುತ್ತಿರುವ ಅಭ್ಯರ್ಥಿಗಳಿಗೆ ಮತ್ತು ಎಲ್ಲಾ ಕ್ರೈಸ್ತ ವಿಶ್ವಾಸಿಗಳಿಗೆ ತಮ್ಮ ಶುಭಾಶಯಗಳನ್ನು ತಿಳಿಸುತ್ತಾರೆ.
ಪೋಪ್ ನೆನಪಿಸುತ್ತಾರೆ: ಈ ಆಯ್ಕೆ “ಚಲ್ದೇಯನ್ ಲಿಟರ್ಜಿ ಯಲ್ಲಿ ಪುನರುತ್ಥಾನಿ ಪ್ರಭುವಿನ ಸಂತ ಥೋಮಾಸನನ್ನು ಭೇಟಿಯಾದ ದಿನದಂದು ನಡೆಯಿತು. ಆ ಘಟನೆಯಿಂದ ಈ ಧಮ೯ ಸಭೆಯ ಜೀವಂತ ಪರಂಪರೆ ಹುಟ್ಟಿಕೊಂಡಿದೆ. ಯೇಸುವಿನ ಪ್ರಕಾಶಮಾನ ಗಾಯಗಳಲ್ಲಿ ಥೋಮಾಸನು “ತಮ್ಮ ಪ್ರಭುವಿನ ಕರುಣೆಯ ಪ್ರಕಟನೆ”ಯನ್ನು ಗುರುತಿಸಿದರು ಎಂದು ಜಗದ್ಗುರುಗಳು ಬರೆಯುತ್ತಾರೆ. ಇದು ದೇವರು ಪ್ಯಾಟ್ರಿಯಾರ್ಕ್ ನೋನಾ ರವರ ಸೇವೆಯನ್ನು ನಂಬಿಕೆಯ ಚಿಹ್ನೆಯಲ್ಲಿ ಜೊತೆಗಿರುತ್ತಾನೆ ಎಂಬ ನಿರೀಕ್ಷೆಗೆ ಕಾರಣವಾಗುತ್ತದೆ ಎಂದು ಅವರು ಹೇಳುತ್ತಾರೆ. ಏಕೆಂದರೆ ಈ ನಂಬಿಕೆ ಅನೇಕ ಚಲ್ದೇಯನ್ ಸಮುದಾಯಗಳ ವಿಶ್ವಾಸಿಗಳಿಂದ, ಸತ್ಯ ನಂಬಿಕಸ್ಥರಾಗಿ, ಬಹಳ ಧೈರ್ಯ ಮತ್ತು ಸಹನೆಯನ್ನು ಬೇಡುವ ಕಠಿಣ ಪರೀಕ್ಷೆಗಳನ್ನು ಎದುರಿಸುವಂತೆ ಮಾಡುತ್ತದೆ.
