ಜಗದ್ಗುರುಗಳ ಆಫ್ರಿಕಾ ಪ್ರಯಾಣ: ನಮ್ಮ ಹೃದಯಗಳನ್ನು ನವೀಕರಿಸಲು ಕರೆ.
ವ್ಯಾಟಿಕನ್ ವರದಿ
ಆಫ್ರಿಕಾದಲ್ಲಿ ಜಗದ್ಗುರುಗಳ ಪ್ರಯಾಣವು ನಮ್ಮ ಕಣ್ಣುಗಳನ್ನು ತೆರೆದು, ನಮ್ಮ ಹೃದಯಗಳನ್ನು ನವೀಕರಿಸಲು ಕರೆಯುತ್ತದೆ ಮಾನವಕುಲವು ಇನ್ನಷ್ಟು ನಿಜವಾದ ಮುಖವನ್ನು ತೋರಿಸಲು ನಾವು ಕ್ರಿಯಾಶೀಲರಾಗಬೇಕೆಂದು ಅದು ಪ್ರೇರೇಪಿಸುತ್ತದೆ. ಈ ದಿನಗಳಲ್ಲಿ ಸಾವಿರಾರು ಜನರು ಜಗದ್ಗುರುಗಳಿಗಾಗಿ ಕಾಯುತ್ತಾ, ಅವರೊಂದಿಗೆ ಸಾಗುತ್ತಾ, ಕೆಂಪು ಧೂಳಿನ ರಸ್ತೆಗಳಲ್ಲಿ ಮತ್ತು ನಗರ ಬೀದಿಗಳಲ್ಲಿ ಸೇರುತ್ತಿದ್ದಾರೆ. ಅಡ್ಡಗೋಡೆಗಳ ಹಿಂದೆ ಟಿನ್ ಛಾವಣಿಯ ಮನೆಗಳು, ಹಾಳಾದ ಮತ್ತು ದುರ್ಬಲ ಕಟ್ಟಡಗಳು ಇದ್ದರೂ, ಜನರ ಕಣ್ಣುಗಳಲ್ಲಿ ಸಂತೋಷ ತುಂಬಿದೆ ಒಂದು ನೋಟವು ಒಂದು ವಂದನೆಯನ್ನು ಭೇಟಿಯಾದ ತಕ್ಷಣ ನಗುವು ಮೂಡುತ್ತದೆ.
ಅನೇಕರು ಜಗದ್ಗುರುಗಳ ಕಾರು ಅಥವಾ ಅವರೊಂದಿಗೆ ಸಾಗುವ ವಾಹನಗಳ ಸರಪಳಿಯನ್ನು ಕಣ್ತುಂಬಿಕೊಳ್ಳಲು ಗಂಟೆಗಳ ಕಾಲ ಕಾಯುತ್ತಾರೆ—ಒಂದು ಫೋಟೋ ಅಥವಾ ಮರೆಯಲಾಗದ ನೆನಪಿಗಾಗಿ. ಅವರು ಹಾಡುತ್ತಾರೆ, ನೃತ್ಯ ಮಾಡುತ್ತಾರೆ, ಧ್ವಜಗಳು ಮತ್ತು ಕೊಂಬೆಗಳನ್ನು ಬೀಸುತ್ತಾರೆ, ಕೈಗಳನ್ನು ಎತ್ತುತ್ತಾರೆ. ಈ ಭೇಟಿ ಬಹುಷಃ ಗಮನಕ್ಕೆ ಬರದ ಜನರ ಗಾಯಗಳು ಮತ್ತು ನಿರೀಕ್ಷೆಗಳತ್ತ ಸಾಗುವ ಒಂದು ಯಾತ್ರೆಯಾಗಿದೆ ಆದರೆ ಇದು ಎಲ್ಲರಿಗೂ ಒಂದು ಆಹ್ವಾನವೂ ಹೌದು ದೃಷ್ಟಿಕೋನವನ್ನು ಬದಲಾಯಿಸಲು, ಕಡೆಗಣಿಸದೆ ನೋಡಲು, ಭಯ ಅಥವಾ ನಿರಾಶೆಗೆ ತಲೆಬಾಗದೆ ಸಹೋದರತ್ವದ ಬಂಧಗಳು ಮತ್ತು ನಿಜವಾದ ಸಂಬಂಧಗಳನ್ನು ನಿರ್ಮಿಸಲು.
ಜಗದ್ಗುರು ಲಿಯೋರವರು ಎದುರಿಸುವ ಆಫ್ರಿಕಾ ಅತ್ಯಂತ ಚೈತನ್ಯ ಮತ್ತು ಶಕ್ತಿಯನ್ನು ತೋರಿಸುತ್ತದೆ, ಜೊತೆಗೆ ಭವಿಷ್ಯಕ್ಕಾಗಿ ವಿಶಾಲ ಸಾಮರ್ಥ್ಯವನ್ನೂ ಹೊಂದಿದೆ. ಅದೇ ಸಮಯದಲ್ಲಿ, ಮುಂದುವರಿಯುತ್ತಿರುವ ವಸಾಹತು ಪ್ರಭಾವಗಳ ಭಾರವೂ ಸ್ಪಷ್ಟವಾಗಿಯೇ ಉಳಿದಿದೆ ಜಾಗತಿಕ ಶಕ್ತಿಗಳು ಈ ಸಾಮರ್ಥ್ಯವನ್ನು ಇನ್ನೂ ನಿಯಂತ್ರಿಸುತ್ತಿವೆ ಮತ್ತು ಮಿತಿಗೊಳಿಸುತ್ತಿವೆ. ಸಂಪನ್ಮೂಲಗಳನ್ನು ಹೊರತೆಗೆಯುವ ಸ್ಥಳಗಳಲ್ಲಿ, ವಿಷಕಾರಿ ತ್ಯಾಜ್ಯಗಳಿಂದ ಭೂಮಿಯು ಹಾನಿಗೊಳಗಾಗುತ್ತದೆ ಸಂಘರ್ಷಗಳು, ವಿಭಜನೆಗಳು ಮತ್ತು ಭ್ರಷ್ಟಾಚಾರ ಹೆಚ್ಚಾಗುತ್ತವೆ. ರಾಜಕೀಯ ಮತ್ತು ಆರ್ಥಿಕ ಶಕ್ತಿಗಳು ಕೇವಲ ಸಂಪತ್ತನ್ನಷ್ಟೇ ಅಲ್ಲ, ಸಂಪೂರ್ಣ ಪೀಳಿಗೆಯ ವರ್ತಮಾನ ಮತ್ತು ಭವಿಷ್ಯವನ್ನೂ ಕಸಿದುಕೊಳ್ಳುತ್ತಿವೆ.
ಯುದ್ಧ ಮತ್ತು ಹಿಂಸೆಯಿಂದ ಗುರುತಿಸಲ್ಪಟ್ಟ ಈ ಭೂಮಿಯಲ್ಲಿ, ಪೇತ್ರನ ಉತ್ತರಾಧಿಕಾರಿ ಸೇತುವೆಗಳನ್ನು ನಿರ್ಮಿಸಲು ಪ್ರಯತ್ನಿಸುತ್ತಾರೆ—ಸಮ್ಮಿಲನ, ಸಮಾಧಾನ, ಜಾಗೃತಿ, ಏಕತೆ ಮತ್ತು ಶಾಂತಿಯನ್ನು ಉತ್ತೇಜಿಸುತ್ತಾರೆ. ಉದಾಹರಣೆಗೆ, ವಾಯುವ್ಯ ಕ್ಯಾಮರೂನಿನ ಬಮೆಂಡಾ ನಗರದಲ್ಲಿ ಇದು ಸ್ಪಷ್ಟವಾಗಿ ಕಾಣಿಸುತ್ತದೆ ಈ ಭೇಟಿಯ ಸಂದರ್ಭದಲ್ಲಿ ಅದು ಮತ್ತೆ ದೇಶದ ಉಳಿದ ಭಾಗಗಳೊಂದಿಗೆ ಸಂಪರ್ಕ ಹೊಂದಿದೆ. ಪ್ರತ್ಯೇಕತಾವಾದಿ ಸಂಕಟಕ್ಕೆ ಸಂಬಂಧಿಸಿದ ಹಿಂಸೆಯಿಂದಾಗಿ ಸಾವಿರಾರು ಜನರು ಸ್ಥಳಾಂತರಗೊಂಡು, ಅನೇಕರು ಪ್ರಾಣ ಕಳೆದುಕೊಂಡಿದ್ದಾರೆ ರಸ್ತೆಗಳು ಬಹುತೇಕ ಅಳಿದುಹೋಗಿದ್ದವು ಮತ್ತು ವಿಮಾನ ನಿಲ್ದಾಣ ಎಂಟು ವರ್ಷಗಳಿಂದ ಬಳಕೆಯಲ್ಲಿರಲಿಲ್ಲ. ಜಗದ್ಗುರಗಳ ಆಗಮನವು ದೈಹಿಕ ಪುನರ್ನಿರ್ಮಾಣವನ್ನು ಮಾತ್ರವಲ್ಲ, ನಿರೀಕ್ಷೆಯ ಪುನರುಜ್ಜೀವನವನ್ನೂ ಆರಂಭಿಸಲು ನೆರವಾಗಿದೆ.
ತಮ್ಮ ಯಾತ್ರೆಯ ಮೂಲಕ, ಜಗದ್ಗುರುಗಳ ಭೇಟಿ ನೀಡುತ್ತಿರುವ ರಾಷ್ಟ್ರಗಳ ವೈಶಿಷ್ಟ್ಯಪೂರ್ಣ ವಾಸ್ತವತೆಗಳನ್ನು ಹೊರಹಾಕುತ್ತಾರೆ ಆಫ್ರಿಕಾವನ್ನು ಒಂದೇ ಘಟಕವಾಗಿ ನೋಡುವ ಪ್ರವೃತ್ತಿಯನ್ನು ಅವರು ಪ್ರಶ್ನಿಸುತ್ತಾರೆ ಮತ್ತು ಅದನ್ನು ವೈವಿಧ್ಯಮಯ ಖಂಡವೆಂದು ಗುರುತಿಸಲು ಪ್ರೇರೇಪಿಸುತ್ತಾರೆ. ವೈವಿಧ್ಯದಲ್ಲಿನ ಏಕತೆ ಮತ್ತು ಮಾನವಕುಲದ ಸಾಮಾನ್ಯ ಗೌರವವನ್ನು ಅವರು ಸೂಚಿಸುತ್ತಾರೆ ಪ್ರತಿ ವ್ಯಕ್ತಿಯೂ ದೇವರ ಮಗುವೇ. ಸುವಾರ್ತೆಯ ಸಂದೇಶವನ್ನು ಹಂಚಿಕೊಳ್ಳಲು ಕರೆಯಲ್ಪಟ್ಟಿರುವ ಧರ್ಮ ಸಭೆಯ ಅನೇಕ ಧ್ವನಿಗಳ ಸಮೃದ್ಧಿಯನ್ನು ಅವರು ತೋರಿಸುತ್ತಾರೆ ಈ ಸಂದೇಶವನ್ನು ಜೀವನದಲ್ಲಿ ಅಳವಡಿಸಿಕೊಂಡಾಗ ಅದು ಸೃಜನಾತ್ಮಕತೆಯನ್ನು ಉತ್ತೇಜಿಸಿ, ಹೆಚ್ಚು ನ್ಯಾಯಯುತ, ಸಹೋದರತ್ವಪೂರ್ಣ ಮತ್ತು ಪರಸ್ಪರ ಸಹಾಯಮಯ ಸಮಾಜಗಳನ್ನು ನಿರ್ಮಿಸಲು ಸಹಾಯ ಮಾಡುತ್ತದೆ.
ಜಗದ್ಗುರಗಳು ಹಂಚಿಕೊಂಡ ಜವಾಬ್ದಾರಿಯನ್ನು ಕೋರಿದ್ದಾರೆ ಮತ್ತು ಆಫ್ರಿಕಾದಿಂದಲೇ ಸಂಪೂರ್ಣ ವಿಶ್ವಕ್ಕೆ ಮಾತನಾಡುತ್ತಾರೆ. ಅವರು ಮೂಲಭೂತ ಪ್ರಶ್ನೆಯನ್ನು ಎತ್ತುತ್ತಾರೆ ನಾವು ಪ್ರತಿಯೊಬ್ಬರೂ ಇತರರತ್ತ ಸಾಗುವಂತೆ ಅವರನ್ನು ಭೇಟಿಯಾಗಲು, ಕ್ಷಮಿಸಲು, ಬೆಂಬಲಿಸಲು ಮತ್ತು ಒಟ್ಟಿಗೆ ನಡೆಯಲು, ಸಾಮಾನ್ಯ ಭವಿಷ್ಯವನ್ನು ನಿರ್ಮಿಸುವ ಹೊಣೆಗಾರಿಕೆಯನ್ನು ಸ್ವೀಕರಿಸಲು. ವಿಭಜನೆ, ಅಹಂಕಾರ ಮತ್ತು ಭೀತಿಯಿಂದ ರೂಪುಗೊಳ್ಳುತ್ತಿರುವ ಜಗತ್ತಿನಲ್ಲಿ, ಜಗದ್ಗುರುಗಳು ಕ್ರಿಸ್ತನ ಮುಖವನ್ನು ನಮಗೆ ತೋರಿಸುತ್ತಾರೆ ದಿನನಿತ್ಯದ ಜೀವನದಲ್ಲಿ ಈ ಬದ್ಧತೆಯನ್ನು ಜಾರಿಗೊಳಿಸುವ ಮೂಲಕ ಪ್ರತಿಯೊಬ್ಬರೂ ಬದಲಾಗಲು ಕರೆಯಲ್ಪಟ್ಟಿದ್ದಾರೆ.
ಈ ಯಾತ್ರೆಯ ಮೂಲಕ, ಜಗದ್ಗುರು ಲಿಯೋರವರು ಮಾನವಕುಲವನ್ನು ಮತ್ತೆ ಸಂಪರ್ಕಿಸುವಲ್ಲಿ ಸಹಾಯಮಾಡುತ್ತಿದ್ದಾರೆ ಜನರಿಗೆ ಬೆಳೆಯಲು ಮತ್ತು ಅಭಿವೃದ್ಧಿಪಡಲು ಅಗತ್ಯವಾದ ಗೌರವ ಮತ್ತು ಸ್ವಾತಂತ್ರ್ಯವನ್ನು ಮರುಸ್ಥಾಪಿಸುತ್ತಿದ್ದಾರೆ ಮತ್ತು ಪ್ರಾಬಲ್ಯ ಮತ್ತು ನಿಯಂತ್ರಣದ ದಾವೆಗಳನ್ನು ಸವಾಲು ಹಾಕುತ್ತಿದ್ದಾರೆ ಎಂದು ಹೇಳಿದರು.
