ಜಗದ್ಗುರು ಲಿಯೋರವರು ತಮ್ಮ ಇತ್ತೀಚಿನವರೆಗಿನ ಅತ್ಯಂತ ದೀರ್ಘ ಪ್ರೇಷಿತರ ಪ್ರವಾಸವನ್ನು ಆರಂಭಿಸಿ, ಅಲ್ಜೀರಿಯಾದತ್ತ ಹೊರಟಿದ್ದಾರೆ.
ವ್ಯಾಟಿಕನ್ ವರದಿ
ಜಗದ್ಗುರುಗಳ ವಿಮಾನವು ಬೆಳಿಗ್ಗೆ 9:06ಕ್ಕೆ ರೋಮಿನ ಫಿಯೂಮಿಚಿನೋ ವಿಮಾನ ನಿಲ್ದಾಣದಿಂದ ಹೊರಟು, ಅಲ್ಜಿಯರ್ಸ್ನ ಹುವಾರಿ ಬೂಮೆಡಿಯೆನ್ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದತ್ತ ಪ್ರಯಾಣ ಆರಂಭಿಸಿತು.
ಈ 10 ದಿನಗಳ ಪ್ರೇಷಿತರ ಪ್ರವಾಸವನ್ನು ಆರಂಭಿಸುತ್ತಿರುವ ಜಗದ್ಗುರು ಲಿಯೋರವರು ಅಲ್ಜೀರಿಯಾದಲ್ಲಿ ಎರಡು ದಿನಗಳನ್ನು ಕಳೆಯಲು ಯೋಜಿಸಲಾಗಿದೆ ಈ ದೇಶಕ್ಕೆ ಭೇಟಿ ನೀಡುವ ಮೊದಲ ಜಗದ್ಗುರುಗಳಾಗಿ ಅವರು ಗುರುತಿಸಲ್ಪಡುತ್ತಾರೆ. ಶಾಂತಿ, ವಲಸೆ, ಪರಿಸರ, ಯುವಜನತೆ ಮತ್ತು ಕುಟುಂಬವು ಈ ಪ್ರವಾಸವನ್ನು ಮಾರ್ಗದರ್ಶಿಸುವ ಮುಖ್ಯ ವಿಷಯಗಳಾಗಿವೆ.
ಅಲ್ಜೀರಿಯಾದ ಈ ಮೂರು ದಿನಗಳ ಭೇಟಿಯಲ್ಲಿ ಸ್ಥಳೀಯ ಅಧಿಕಾರಿಗಳೊಂದಿಗೆ ಹಾಗೂ ಆಗಸ್ಟಿನಿಯನ್ ಸಮುದಾಯದೊಂದಿಗೆ ಭೇಟಿಗಳು ನಡೆಯಲಿದ್ದು, ಜೊತೆಗೆ ಅಲ್ಜೀರಿಯನ್ ಯುದ್ಧವನ್ನು (1954–1962) ಸ್ಮರಿಸುವ ಸ್ಮಾರಕಕ್ಕೂ ಭೇಟಿ ನೀಡಲಾಗುತ್ತದೆ.
ಜಗದ್ಗುರುಗಳು “ಲಿಟಲ್ ಸಿಸ್ಟರ್ಸ್ ಆಫ್ ದ ಪೂರ್” ಸಂಘದಿಂದ ನಡೆಸಲ್ಪಡುವ ವೃದ್ಧಾಶ್ರಮಕ್ಕೂ ಭೇಟಿ ನೀಡಲಿದ್ದು, ಅನ್ನಾಬಾದಲ್ಲಿ ಇರುವ ಸಂತ ಆಗಸ್ಟಿನರ ಬಸಿಲಿಕಾದಲ್ಲಿ ಪವಿತ್ರ ಬಲಿಪೂಜೆಯನ್ನು ನೆರವೇರಿಸಲಿದ್ದಾರೆ.
ಅಲ್ಜೀರಿಯಾಗೆ ಜಗದ್ಗುರುಗಳ ಪ್ರವಾಸವು ಜಗದ್ಗುರು XIVನೇ ಲಿಯೋರವರೊಂದಿಗೆ ವೈಯಕ್ತಿಕ ಮಹತ್ವವನ್ನು ಹೊಂದಿದೆ, ಏಕೆಂದರೆ ಈ ದೇಶದಲ್ಲಿ ಅನ್ನಾಬಾ (ಹಿಂದೆ “ಹಿಪ್ಪೋ” ಎಂದು ಕರೆಯಲ್ಪಟ್ಟ) ನಗರವಿದೆ ಅಲ್ಲಿ ಸಂತ ಆಗಸ್ಟಿನರ 395ರಿಂದ 430ರಲ್ಲಿ ತಮ್ಮ ನಿಧನದವರೆಗೆ ಬಿಷಪ್ ಆಗಿ ಸೇವೆ ಸಲ್ಲಿಸಿದ್ದರು.
ಆದಾಗ್ಯೂ, ಇದು ಜಗದ್ಗುರು ಲಿಯೋರವರ ಮೊದಲ ಆಫ್ರಿಕಾ ಭೇಟಿ ಅಲ್ಲ. ಸಂತ ಆಗಸ್ಟಿನರ ಆರ್ಡರ್ನ ಪ್ರಿಯರ್ ಜನರಲ್ ಆಗಿದ್ದಾಗ, ಆಗಿನ ವಂ. ಸ್ವಾಮಿ ರಾಬರ್ಟ್ ಪ್ರೇವೋಸ್ಟ್ ರವರು ಅಲ್ಜೀರಿಯಾ, ಕೆನ್ಯಾ ಮತ್ತು ಟಾಂಜಾನಿಯಾ ಸೇರಿದಂತೆ ಅನೇಕ ಆಫ್ರಿಕಾ ದೇಶಗಳಿಗೆ ಭೇಟಿ ನೀಡಿದ್ದರು. ಅವರು ಸ್ವತಃ ಅಲ್ಜೀರಿಯಾಗೆ 2001 ಮತ್ತು 2013ರಲ್ಲಿ ಎರಡು ಬಾರಿ ಭೇಟಿ ನೀಡಿದ್ದರು.
