ಆಫ್ರಿಕಾದ ಮೂರನೇ ದಿನ: ಅಲ್ಜೀರಿಯಾದಿಂದ ಕ್ಯಾಮರೂನ್ಗೆ
ವ್ಯಾಟಿಕನ್ ವರದಿ
ಜಗದ್ಗುರು XIVನೇ ಲಿಯೋರವರು ನಾಲ್ಕು ರಾಷ್ಟ್ರಗಳ ಪ್ರೇಷಿತರ ಪ್ರವಾಸದ ಮೊದಲ ಹಂತವನ್ನು ಏಪ್ರಿಲ್ 15 ಬುಧವಾರ ಬೆಳಿಗ್ಗೆ ಆಲ್ಜೀರಿಯಾದ ವಿಮಾನ ನಿಲ್ದಾಣದಲ್ಲಿ ನಡೆದ ವಿದಾಯ ಸಮಾರಂಭದೊಂದಿಗೆ ಮುಕ್ತಾಯಗೊಳಿಸಿದರು. ಕ್ಯಾಮರೂನ್ಗೆ ತೆರಳುತ್ತಿದ್ದ ಜಗದ್ಗುರುಗಳ ವಿಮಾನದಲ್ಲಿ, ಅವರು ಸಂತ ಆಗಸ್ಟಿನ್ ರವರ ಸ್ವದೇಶದಲ್ಲಿ ಕಳೆದ ಸಮಯವನ್ನು “ವಿಶೇಷ ಆಶೀರ್ವಾದ” ಎಂದು ವಿವರಿಸಿ, “ಸೇತುವೆಗಳನ್ನು ನಿರ್ಮಿಸುವುದು ಮತ್ತು ಸಂವಾದವನ್ನು ಉತ್ತೇಜಿಸುವ ಅದ್ಭುತ ಅವಕಾಶಕ್ಕಾಗಿ ಕೃತಜ್ಞತೆ ವ್ಯಕ್ತಪಡಿಸಿದರು.
ಹೃತ್ಪೂರ್ವಕ ಸ್ವಾಗತ
ಸುಮಾರು ಐದು ಗಂಟೆಗಳ ನಂತರ, ಜಗದ್ಗುರುಗಳು ಕ್ಯಾಮರೂನ್ನ ರಾಜಧಾನಿಯಾದ ಯೌಂಡೇಗೆ ತಲುಪಿದರು, ಅಲ್ಲಿ ಆ ಪಶ್ಚಿಮ ಆಫ್ರಿಕಾ ದೇಶದ ಸಾಂಸ್ಕೃತಿಕ ಮತ್ತು ಭಾಷಾ ವೈವಿಧ್ಯತೆ ಸ್ಪಷ್ಟವಾಗಿ ಕಾಣಿಸಿಕೊಂಡಿತು. ವಿಮಾನ ನಿಲ್ದಾಣದಲ್ಲಿ ದೊಡ್ಡ ಜನಸ್ತೋಮವು ಅವರನ್ನು ಸ್ವಾಗತಿಸಲು ಕಾಯುತ್ತಿತ್ತು; ಅವರು ವ್ಯಾಟಿಕನ್ ಮತ್ತು ಕ್ಯಾಮರೂನ್ ಧ್ವಜಗಳನ್ನು ಬೀಸುತ್ತಾ, ಇಂಗ್ಲಿಷ್ ಮತ್ತು ಫ್ರೆಂಚ್ ಭಾಷೆಗಳಲ್ಲಿ ಸ್ವಾಗತ ಕೂಗುತ್ತಿದ್ದರು ಇಟಾಲಿಯನ್ನಲ್ಲಿ ‘ಬುವೋನಸೇರಾ’ ಎಂಬ ಶಬ್ದವೂ ಕೇಳಿಬಂದಿತು. ವಿಮಾನ ನಿಲ್ದಾಣದಿಂದ ರಾಷ್ಟ್ರಪತಿ ಭವನದವರೆಗೆ ಜಗದ್ಗುರುಗಳು ಸಾಗಿದ ಮಾರ್ಗದ ಹೆಚ್ಚಿನ ಭಾಗದಲ್ಲಿ ಜನರು ಕೂಡಿಕೊಂಡಿದ್ದರು ಹಸಿರು ಪ್ರಕೃತಿ ಹಿನ್ನೆಲೆಯ ನಡುವೆ ಅವರ ಬಣ್ಣಬಣ್ಣದ ವಸ್ತ್ರಗಳು ಗಮನ ಸೆಳೆದವು. ಅವರು ತಾಳವಾದ್ಯಗಳು ಮತ್ತು ಬೃಹತ್ ವಾದ್ಯಗಳ ಧ್ವನಿಗೆ ಕೂಗಿ, ಹಾಡಿ, ಕುಣಿದು ಹರ್ಷ ವ್ಯಕ್ತಪಡಿಸಿದರು, ಇದು ಇಷ್ಟು ತೀವ್ರವಾದ ಪ್ರವಾಸದ ಆಯಾಸವನ್ನೂ ಮರೆಯುವಂತೆ ಮಾಡಿತು.
ಅಧಿಕಾರಿಗಳೊಂದಿಗೆ ಭೇಟಿ
ಈ ಉತ್ಸಾಹ ರಾಷ್ಟ್ರಪತಿ ಭವನದಲ್ಲಿಯೂ ಸ್ಪಷ್ಟವಾಗಿತ್ತು, ಅಲ್ಲಿ ಜಗದ್ಗುರುಗಳ ದೇಶದ ರಾಷ್ಟ್ರಪತಿ ಪಾಲ್ ಬಿಯಾರವರೊಂದಿಗೆ ಖಾಸಗಿ ಭೇಟಿಯನ್ನು ನಡೆಸಿದರು. ಬಳಿಕ ಅವರು ದೇಶದ ಅಧಿಕಾರಿಗಳು, ನಾಗರಿಕ ಸಮಾಜದ ಸದಸ್ಯರು ಮತ್ತು ರಾಜತಾಂತ್ರಿಕ ವಲಯವನ್ನು ಉದ್ದೇಶಿಸಿ ಮಾತನಾಡಿದರು. ತಮ್ಮ ಭಾಷಣದಲ್ಲಿ ಮಹಿಳಾ ಹಕ್ಕುಗಳನ್ನು ಬೆಂಬಲಿಸಿ, ಭಯ, ಬೆದರಿಕೆ ಅಥವಾ ಆಯುಧಗಳ ಮೇಲೆ ಆಧಾರಿತವಾಗಿರದ ಅಸ್ತ್ರವಿಲ್ಲದ ಶಾಂತಿಗಾಗಿ ಕರೆ ನೀಡಿದಾಗ ಹಲವು ಬಾರಿ ಚಪ್ಪಾಳೆ ಕೇಳಿಬಂತು.
ಎಂಗಾಲ್ ಜಾಂಬಾ ಅನಾಥಾಶ್ರಮಕ್ಕೆ ಭೇಟಿ
ಅಧಿಕಾರಿಗಳೊಂದಿಗೆ ಸಭೆಯ ನಂತರ, ಜಗದ್ಗುರುಗಳು ‘ಡಾಟರ್ಸ್ ಆಫ್ ಮೇರಿ’ ಸಂಘಟನೆಯಿಂದ ನಡೆಸಲ್ಪಡುವ ಎಂಗಾಲ್ ಜಾಂಬಾ ಅನಾಥಾಶ್ರಮಕ್ಕೆ ಭೇಟಿ ನೀಡಿದರು. ಮಕ್ಕಳು ಮತ್ತು ಧಾರ್ಮಿಕ ಸಹೋದರಿಯರು ಜಗದ್ಗುರುಗಳೊಂದಿಗೆ ಇರುವುದರಿಂದ ತುಂಬಾ ಸಂತೋಷಪಟ್ಟರು. ಜಗದ್ಗುರುಗಳು ಕೂಡ ಸಂತೋಷದಿಂದ ನಗೆ ಬೀರಿದರು. ಅವರು ಹಾಡುಗಳು ಮತ್ತು ಚಪ್ಪಾಳೆಗಳೊಂದಿಗೆ ಅವರನ್ನು ಸ್ವಾಗತಿಸಿದರು. ಮಕ್ಕಳು ಕ್ಯಾಮರೂನ್ನಲ್ಲಿ ಜಗದ್ಗುರುಗಳು ಭೇಟಿಗಾಗಿ ವಿನ್ಯಾಸಗೊಳಿಸಿದ ನೀಲಿ ಬಣ್ಣದ ಉಡುಪುಗಳನ್ನು ಧರಿಸಿದ್ದರು. ಜಗದ್ಗುರುಗಳು ಹೊರಡುವ ಸಮಯದಲ್ಲಿ, ಸಹೋದರಿಯರು ಮತ್ತು ಮಕ್ಕಳು ಅವರನ್ನು ಸುತ್ತುವರಿದು, ನಿರಂತರ ಹಾಡು ಮತ್ತು ಚಪ್ಪಾಳೆಗಳ ನಡುವೆ ಅವರನ್ನು ಹೊರಗೆ ಕರೆದುಕೊಂಡು ಹೋದರು.
ಬಿಷಪ್ಗಳೊಂದಿಗೆ ಖಾಸಗಿ ಸಭೆ
ಈ ಸಂತೋಷಭರಿತ ಭೇಟಿಯ ಅಂತ್ಯದಲ್ಲಿ, ಜಗದ್ಗುರುಗಳು ರಾಷ್ಟ್ರೀಯ ಎಪಿಸ್ಕೋಪಲ್ ಕಾನ್ಫರೆನ್ಸ್ ಮುಖ್ಯ ಕಚೇರಿಗೆ ತೆರಳಿ, ಕ್ಯಾಮರೂನ್ನ ಬಿಷಪ್ಗಳೊಂದಿಗೆ ಖಾಸಗಿ ಸಭೆ ನಡೆಸಿದರು. ಇದರೊಂದಿಗೆ ಆಫ್ರಿಕಾದಲ್ಲಿ ಅವರ ಮೂರನೇ ದಿನದ ಕಾರ್ಯಕ್ರಮ ಮುಕ್ತಾಯಗೊಂಡಿತು.
