ಜಗದ್ಗುರು ಲಿಯೋರವರು ಆಂಗೋಲಾ ಭೇಟಿಯನ್ನು ಮುಕ್ತಾಯಗೊಳಿಸಿ, ಈಕ್ವಟೋರಿಯಲ್ ಗಿನಿಯಾಗೆ ಪ್ರಯಾಣ ಬೆಳೆಸಿದರು.

ವ್ಯಾಟಿಕನ್ ವರದಿ

ಅಂಗೋಲಾದಲ್ಲಿ ತನ್ನ ಕೊನೆಯ ದಿನದ ಬೆಳಗಿನ ಜಾವ, ಜಗದ್ಗುರು XIVನೇ ಲಿಯೋರವರು ಲುವಾಂಡಾದ ಅಪೋಸ್ತೋಲಿಕ್ ನುಂಸಿಯೇಚರ್‌ನಲ್ಲಿ ಖಾಸಗಿಯಾಗಿ ಪವಿತ್ರ ಬಲಿಪೂಜೆಯನ್ನು ಆಚರಿಸಿದರು.

ನಂತರ ಅವರು ವಿಮಾನ ನಿಲ್ದಾಣಕ್ಕೆ ತೆರಳಿ, ಅಲ್ಲಿ ಆಂಗೋಲಾದ ರಾಷ್ಟ್ರಪತಿ ಜೋವೊ ಮಾನುವೆಲ್ ಗೊನ್ಸಾಲ್ವಿಸ್ ಲೊರೆನ್ಸೊ ರವರಿಗೆ ವಿದಾಯ ಹೇಳಿದರು.

ಅದಾದ ನಂತರ ಜಗದ್ಗುರುಗಳು ವಿಮಾನವನ್ನು ಏರಿದರು ಅದು ಸ್ಥಳೀಯ ಸಮಯ ಬೆಳಿಗ್ಗೆ 9:19ಕ್ಕೆ ಹಾರಾಟ ಆರಂಭಿಸಿತು, ಇದರಿಂದ ಅವರ ಆಂಗೋಲಾದ ಪ್ರೇಷಿತರ ಪ್ರವಾಸ ಸಮಾಪ್ತಿಯಾಯಿತು.

ಜಗದ್ಗುರು XIVನೇ ಲಿಯೋರವರು ಮಧ್ಯ ಆಫ್ರಿಕಾದ ಈ ರಾಷ್ಟ್ರದಲ್ಲಿ ಮೂರು ದಿನಗಳನ್ನು ಕಳೆದಿದ್ದು, ಈ ಅವಧಿಯಲ್ಲಿ ಲುವಾಂಡಾ, ಮುಕ್ಸಿಮಾ ಮತ್ತು ಸೌರಿಮೊ ಎಂಬ ಮೂರು ನಗರಗಳಿಗೆ ಭೇಟಿ ನೀಡಿದರು.

ತಮ್ಮ 11 ದಿನಗಳ ಭೇಟಿಯ ಅಂತಿಮ ಹಂತವು ಅವರನ್ನು ಈಕ್ವಟೋರಿಯಲ್ ಗಿನಿಯಾಗೆ ಕರೆದೊಯ್ಯುತ್ತದೆ, ಅಲ್ಲಿ ಅವರು ಏಪ್ರಿಲ್ 23, ಗುರುವಾರದವರೆಗೆ ಇರುತ್ತಾರೆ.