ಜಗದ್ಗುರು ಫ್ರಾನ್ಸಿಸ್ ರವರನ್ನು ಸ್ಮರಿಸಲು ಮಾಲ್ಟಾದಲ್ಲಿ ಸಂಗೀತ ಕಾರ್ಯಕ್ರಮ ನಡೆಯಿತು.

ವ್ಯಾಟಿಕನ್ ವರದಿ

ಜಗದ್ಗುರು ಫ್ರಾನ್ಸಿಸ್ ರವರ ಸ್ಮರಣಾರ್ಥವಾಗಿ ಒಂದು ಸ್ಮಾರಕ ಸಂಗೀತ ಕಾರ್ಯಕ್ರಮವು ಏಪ್ರಿಲ್ 24 ರಂದು ಸಂಜೆ 7:30ಕ್ಕೆ ಮಾಲ್ಟಾದ ಮ್ದಿನಾ ನಗರದ ಮೆಟ್ರೋಪಾಲಿಟನ್ ಸೆಂಟ್ ಪಾಲ್ ಕ್ಯಾಥೀಡ್ರಲ್‌ನಲ್ಲಿ ನಡೆಯಲಿದೆ. ಇದು ಅವರ ನಿಧನದ ಮೊದಲ ವಾರ್ಷಿಕೋತ್ಸವವನ್ನು ಗುರುತಿಸುತ್ತದೆ.

ಮಾಲ್ಟಾ ಪೊಲೀಸ್ ಪಡೆ ಮತ್ತು ಜಗದ್ಗುರುಗಳ ಅಧಿಕಾರ ಸ್ಥಳಕ್ಕೆ ಸಂಬಂಧಿಸಿದ ಮಾಲ್ಟೀಸ್ ರಾಯಭಾರ ಕಚೇರಿಯ ಸಹಯೋಗದಲ್ಲಿ ಆಯೋಜಿಸಲಾದ ಈ ಕಾರ್ಯಕ್ರಮದಿಂದ ಲಭ್ಯವಾಗುವ ಆದಾಯವನ್ನು ಅಗತ್ಯವಿರುವವರಿಗೆ ನೆರವಾಗುವ ಧರ್ಮ ಸಭೆ ನಡೆಸುವ ಆಶ್ರಯ ಗೃಹವಾದ “ಇಡ್-ದಾರ್ ತಲ್ ಪ್ರೊವಿಡೆಂಝಾ”ಗೆ ದೇಣಿಗೆಯಾಗಿ ನೀಡಲಾಗುತ್ತದೆ.

ಈ ಕಾರ್ಯಕ್ರಮದಲ್ಲಿ ಎರಡು ಗಂಟೆಗಳ ಸಂಗೀತ ಓರೇಟೋರಿಯೋ “ಫ್ರಾನ್ಚೆಸ್ಕೊ: ಶೆಫರ್ಡ್ ಆಫ್ ಮರ್ಸಿ” ಪ್ರದರ್ಶಿಸಲಿದ್ದು, ಇದು ಜಗದ್ಗುರು ಫ್ರಾನ್ಸಿಸ್ ರವರ ಅಧಿಕಾರಾವಧಿಯನ್ನು ಪ್ರತಿಬಿಂಬಿಸುತ್ತದೆ.

ಈ ಕೃತಿಯ ಲಿಬ್ರೆಟ್ಟೋವನ್ನು ಜಗದ್ಗುರುಗಳ ಅಧಿಕಾರ ಸ್ಥಳವು ಮಾಲ್ಟಾದ ರಾಯಭಾರಿಯಾಗಿರುವ ಶ್ರೀ ಫ್ರಾಂಕ್ ಜಮ್ಮಿಟ್ ರವರು ರಚಿಸಿದ್ದು, ಸಂಗೀತವನ್ನು ಮಾಲ್ಟಾ ಪೊಲೀಸ್ ಪಡೆ ವಾದ್ಯವೃಂದದ ಸಂಚಾಲಕರಾದ ಮಾಸ್ಟ್ರೋ ಆಂಥನಿ ಕ್ಯಾಸರ್ ರವರು ಸಂಯೋಜಿಸಿದ್ದಾರೆ.

ಈ ಕಾರ್ಯಕ್ರಮಕ್ಕೆ ಮಾಲ್ಟಾದ ಪೊಲೀಸ್ ಆಯುಕ್ತ ಆಂಜೆಲೋ ಗಫಾ, ಆರ್ಚ್‌ಬಿಷಪ್ ಚಾರ್ಲ್ಸ್ ಜೂಡ್ ಸ್ಕಿಕ್ಲುನಾ, ಪ್ರೇಷಿತರ ರಾಯಭಾರಿ ಪ್ರತಿನಿಧಿಗಳು ಹಾಗೂ ಇತರ ನಾಗರಿಕ ಮತ್ತು ಧಾರ್ಮಿಕ ಅಧಿಕಾರಿಗಳು ಹಾಜರಾಗುವ ನಿರೀಕ್ಷೆಯಿದೆ.