ಜಗದ್ಗುರು XIVನೇ ಲಿಯೋರವರು ಅಲ್ಜೀರಿಯಾ, ಕ್ಯಾಮರೂನ್, ಅಂಗೋಲಾ ಮತ್ತು ಈಕ್ವಟೋರಿಯಲ್ ಗಿನಿಯಾ ದೇಶಗಳಿಗೆ ಸಂಬಂಧಿಸಿದ ಭೇಟಿಯ ಕಾರ್ಯಕ್ರಮದ ವೇಳಾಪಟ್ಟಿ.

ವ್ಯಾಟಿಕನ್ ವರದಿ

ಜಗದ್ಗುರು XIVನೇ ಲಿಯೋರವರು  2026ರ ಏಪ್ರಿಲ್ 13ರಿಂದ 23ರವರೆಗೆ ಅಲ್ಜೀರಿಯಾ, ಕ್ಯಾಮರೂನ್, ಅಂಗೋಲಾ ಮತ್ತು ಈಕ್ವಟೋರಿಯಲ್ ಗಿನಿಯಾ  ದೇಶಗಳಿಗೆ ಧರ್ಮಾಧ್ಯಕ್ಷೀಯ ಪ್ರವಾಸ ಕೈಗೊಳ್ಳಲಿದ್ದಾರೆ. ಇದು ಅವರ ಜಗದ್ಗುರುಗಳ ಆರಂಭದಿಂದ ಇಟಲಿಯ ಹೊರಗೆ ನಡೆಯುವ ಮೂರನೇ ಧರ್ಮಾಧ್ಯಕ್ಷೀಯ ಪ್ರವಾಸವಾಗಿದೆ. ಈ ಪ್ರವಾಸದ ಅಧಿಕೃತ ಕಾರ್ಯಕ್ರಮವನ್ನು ಜಗದ್ಗುರುಗಳ ಅಧಿಕಾರ ಸ್ಥಳದ ಪತ್ರಿಕಾ ಕಚೇರಿಗೆ ಪ್ರಕಟಿಸಿದೆ.

ಪ್ರವಾಸದ ಮೊದಲ ಹಂತವಾಗಿ ಜಗದ್ಗುರುಗಳು ಅಲ್ಜೀರಿಯಾದ ರಾಜಧಾನಿ ಅಲ್ಜೀರ್ಸ್ ನಗರಕ್ಕೆ ಆಗಮಿಸಿ ಅಲ್ಲಿನ ಅಧಿಕಾರಿಗಳು, ನಾಗರಿಕ ಸಮಾಜದ ಪ್ರತಿನಿಧಿಗಳು ಹಾಗೂ ಧಾರ್ಮಿಕ ಸಮುದಾಯವನ್ನು ಭೇಟಿಯಾಗುತ್ತಾರೆ. ಅವರು ಅಲ್ಜಿಯರ್ಸ್‌ನ ಮಹಾ ಮಸೀದಿ ಮತ್ತು ಆಫ್ರಿಕಾದ ಅವರ್ ಲೇಡಿ ಬೆಸಿಲಿಕಾ ಸೇರಿದಂತೆ ಪ್ರಮುಖ ಸ್ಥಳಗಳಿಗೆ ಭೇಟಿ ನೀಡಲಿದ್ದಾರೆ. ನಂತರ ಅವರು ಅಣ್ಣಾಬಾ ನಗರಕ್ಕೆ ತೆರಳಿ ಸಂತ ಅಗಸ್ಟೀನ್ ರವರಿಗೆ ಸಂಬಂಧಿಸಿದ ಐತಿಹಾಸಿಕ ಸ್ಥಳಗಳನ್ನು ಭೇಟಿಯಾಗಿ ಪವಿತ್ರ ಬಲಿಪೂಜೆಯನ್ನು ಆಚರಿಸಲಿದ್ದಾರೆ.

ಎರಡನೇ ಹಂತದಲ್ಲಿ ಜಗದ್ಗುರುಗಳು ಕ್ಯಾಮರೂನ್‌ನ ರಾಜಧಾನಿ ಯೌಂಡೆಗೆ ಭೇಟಿ ನೀಡಿ ರಾಷ್ಟ್ರಪತಿ ಪಾಲ್ ಬಿಯಾರವರನ್ನು ಭೇಟಿಯಾಗಲಿದ್ದಾರೆ. ಅಲ್ಲದೆ ಅನಾಥಾಶ್ರಮ, ಬಿಷಪ್‌ಗಳ ಸಭೆ ಮತ್ತು ವಿವಿಧ ಸಮುದಾಯಗಳೊಂದಿಗೆ ಭೇಟಿಗಳನ್ನು ನಡೆಸಲಿದ್ದಾರೆ. ನಂತರ ಅವರು ಬಮೆಂಡಾ ಮತ್ತು ಡೌಲಾ ನಗರಗಳಿಗೆ ಭೇಟಿ ನೀಡಿ ಶಾಂತಿಯ ಸಭೆಗಳಲ್ಲಿ ಪಾಲ್ಗೊಂಡು ಪವಿತ್ರ ಬಲಿ ಪೂಜೆಯನ್ನು ಆಚರಿಸುವುದರ ಜೊತೆಗೆ ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳು ಮತ್ತು ಪ್ರಾಧ್ಯಾಪಕರನ್ನು ಉದ್ದೇಶಿಸಿ ಭಾಷಣ ಮಾಡಲಿದ್ದಾರೆ.

ಮೂರನೇ ಹಂತದಲ್ಲಿ ಜಗದ್ಗುರುಗಳು ಅಂಗೋಲಾದ ರಾಜಧಾನಿ ಲುವಾಂಡಾಗೆ ಆಗಮಿಸಿ ರಾಷ್ಟ್ರಪತಿ ಜೊವೊ ಲೂರೆಂಕೊರವರನ್ನು ಭೇಟಿಯಾಗಲಿದ್ದಾರೆ. ನಂತರ ಕಿಲಂಬಾ ಮತ್ತು ಮುಕ್ಸಿಮಾ ಪ್ರದೇಶಗಳಿಗೆ ತೆರಳಿ ಮಾತೆಮೇರಿಯ ತೀರ್ಥಕ್ಷೇತ್ರದಲ್ಲಿ ಪ್ರಾರ್ಥನೆ ಮಾಡಿ ವಿಶ್ವಾಸಿಗಳನ್ನು ಉದ್ದೇಶಿಸಿ ಸಂದೇಶ ನೀಡಲಿದ್ದಾರೆ. ಅವರು ಸೌರಿಮೊ ನಗರದಲ್ಲೂ ಪವಿತ್ರ ಬಲಿ ಪೂಜೆಯನ್ನು ಆಚರಿಸಿ ನಂತರ ಯಾಜಕರು, ಧಾರ್ಮಿಕರು ಮತ್ತು ಧರ್ಮಾಧ್ಯಕ್ಷರ ಕಾರ್ಯಕರ್ತರನ್ನು ಭೇಟಿಯಾಗಲಿದ್ದಾರೆ.

ಪ್ರವಾಸದ ಅಂತಿಮ ಹಂತದಲ್ಲಿ ಜಗದ್ಗುರುಗಳು ಸಮತಟ ಗಿನಿಯ ರಾಜಧಾನಿ ಮಲಬೋಗೆ ಭೇಟಿ ನೀಡಲಿದ್ದಾರೆ. ಅವರು ರಾಷ್ಟ್ರಪತಿ ಟಿಯೋಡೋರೊ ಒಬಿಯಾಂಗ್ ನ್ಗುಮಾ ಎಂಬಾಸೊಗೊರವರನ್ನು ಭೇಟಿಯಾಗಿ ನಾಗರಿಕ ಸಮಾಜದ ಪ್ರತಿನಿಧಿಗಳನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ. ನಂತರ ಮೊಂಗೋಮೊ ಮತ್ತು ಬಟಾ ನಗರಗಳಿಗೆ ಭೇಟಿ ನೀಡಿ ಪವಿತ್ರ ಬಲಿ ಪೂಜೆಯನ್ನು ಆಚರಿಸುವುದರ ಜೊತೆಗೆ ಯುವಕರು ಮತ್ತು ಕುಟುಂಬಗಳೊಂದಿಗೆ ಭೇಟಿಯಾಗಲಿದ್ದಾರೆ.

ಈ ಪ್ರೇಷಿತರ  ಪ್ರವಾಸದ ಕೊನೆಯ ದಿನ, ಏಪ್ರಿಲ್ 23ರಂದು, ಜಗದ್ಗುರುಗಳು ಮಲಾಬೋದಲ್ಲಿ ಪವಿತ್ರ ಬಲಿ ಪೂಜೆಯನ್ನು ಆಚರಿಸಿದ ನಂತರ ರೋಮಿಗೆ ಮರಳಲಿದ್ದಾರೆ. ಈ ಪ್ರವಾಸದ ಮೂಲಕ ಜಗದ್ಗುರುಗಳು ವಿವಿಧ ದೇಶಗಳ ಜನರನ್ನು ಭೇಟಿಯಾಗಿ ಶಾಂತಿ, ವಿಶ್ವಾಸ ಮತ್ತು ಸಹೋದರತ್ವದ ಸಂದೇಶವನ್ನು ಹಂಚಿಕೊಳ್ಳಲಿದ್ದಾರೆ.