ಲೆಬನಾನಿನ ಕ್ರೈಸ್ತರು ಸಹೋದರತ್ವ ಮತ್ತು ಶಾಂತಿಯನ್ನು ಬಯಸಬೇಕೆಂದು ಪೋಪ್ ಒತ್ತಾಯಿಸಿದ್ದಾರೆ.
ವರದಿ" ವ್ಯಾಟಿಕನ್ ನ್ಯೂಸ್
ಬೈರುತ್ ವಾಟರ್ಫ್ರಂಟ್ನಲ್ಲಿ ಬಲಿಪೂಜೆಯನ್ನು ಮುಕ್ತಾಯಗೊಳಿಸುತ್ತಾ, ಪೋಪ್ ಲಿಯೋ XIV ಅವರು ಲೆಬನಾನ್ ಮತ್ತು ಮಧ್ಯಪ್ರಾಚ್ಯದಲ್ಲಿ ಶಾಂತಿಗಾಗಿ ಮನವಿ ಮಾಡುತ್ತಾರೆ ಮತ್ತು ಅಸ್ಥಿರತೆ ಮತ್ತು ದುಃಖಗಳ ನಡುವೆಯೂ ಧೈರ್ಯಶಾಲಿಗಳಾಗಿರಲು ಲೆಬನಾನಿನ ಭಕ್ತಾಧಿಗಳನ್ನು ಒತ್ತಾಯಿಸುತ್ತಾರೆ.
ಭರವಸೆಯ ಯಾತ್ರಿಕನಾಗಿ ಲೆಬನಾನ್ಗೆ ಬಂದಿದ್ದನ್ನು ನೆನಪಿಸಿಕೊಳ್ಳುತ್ತಾ, ಪೋಪ್, "ಅಸ್ಥಿರತೆ, ಯುದ್ಧಗಳು ಮತ್ತು ದುಃಖಗಳಿಂದ ಗುರುತಿಸಲ್ಪಟ್ಟ ಈ ಪ್ರೀತಿಯ ಭೂಮಿಗೆ" ಶಾಂತಿಯ ಉಡುಗೊರೆಗಾಗಿ ಪ್ರಾರ್ಥಿಸಿದರು.
"ಲೆವಂಟ್ನ ಪ್ರಿಯ ಕ್ರೈಸ್ತರೇ, ಶಾಂತಿಗಾಗಿ ನಿಮ್ಮ ಪ್ರಯತ್ನಗಳ ಫಲಿತಾಂಶಗಳು ನಿಧಾನವಾಗಿ ಬರುತ್ತಿರುವಾಗ, ಬರಲಿರುವ ಭಗವಂತನ ಕಡೆಗೆ ನಿಮ್ಮ ದೃಷ್ಟಿಯನ್ನು ಎತ್ತುವಂತೆ ನಾನು ನಿಮ್ಮನ್ನು ಆಹ್ವಾನಿಸುತ್ತೇನೆ!" ಅವರು ಹೇಳಿದರು. "ನಾವು ಭರವಸೆ ಮತ್ತು ಧೈರ್ಯದಿಂದ ಆತನ ಕಡೆಗೆ ನೋಡೋಣ, ಸಹಬಾಳ್ವೆ, ಭ್ರಾತೃತ್ವ ಮತ್ತು ಶಾಂತಿಯ ಹಾದಿಯಲ್ಲಿ ಸಾಗಲು ಎಲ್ಲರನ್ನೂ ಆಹ್ವಾನಿಸೋಣ."
ಸೇಡು ಮತ್ತು ಹಿಂಸೆಯ ಮನಸ್ಥಿತಿಯನ್ನು ಮರುಹೊಂದಿಸಲು, ವಿಭಜನೆಗಳನ್ನು ನಿವಾರಿಸಲು ಮತ್ತು ಸಮನ್ವಯ ಮತ್ತು ಶಾಂತಿಯನ್ನು ನಿರ್ಮಿಸಲು ಮಧ್ಯಪ್ರಾಚ್ಯವು ಹೊಸ ವಿಧಾನಗಳನ್ನು ಬಯಸುತ್ತದೆ ಎಂದು ಪೋಪ್ ಲಿಯೋ ಗಮನಿಸಿದರು.
"ಯುದ್ಧದ ಭಯಾನಕತೆಯಲ್ಲಿ ಪರಸ್ಪರ ದ್ವೇಷ ಮತ್ತು ವಿನಾಶದ ಹಾದಿಯು ತುಂಬಾ ದೂರ ಕ್ರಮಿಸಲ್ಪಟ್ಟಿದೆ, ಶೋಚನೀಯ ಫಲಿತಾಂಶಗಳು ಎಲ್ಲರ ಕಣ್ಣ ಮುಂದೆಯೇ ಇವೆ" ಎಂದು ಅವರು ಹೇಳಿದರು. "ನಾವು ಮಾರ್ಗವನ್ನು ಬದಲಾಯಿಸಬೇಕಾಗಿದೆ; ನಾವು ನಮ್ಮ ಹೃದಯಗಳನ್ನು ಶಾಂತಿಗಾಗಿ ಶಿಕ್ಷಣ ನೀಡಬೇಕಾಗಿದೆ." ಎಂದರು.
