ಧರ್ಮಸಭೆಯ ಏಳು ಹೊಸ ಸಂತರು ವಿಶ್ವಾಸ ಮತ್ತು ಸ್ಥಿತಿಸ್ಥಾಪಕತ್ವವನ್ನು ಪ್ರೇರೇಪಿಸುತ್ತಾರೆ

ಸಿಸ್ಟರ್ ಕ್ರಿಸ್ಟೀನ್ ಮಾಸಿವೊ, ಸಿಪಿಎಸ್

ಸಂತ ಪದವಿಗೇರಿಸುವ ವಿಧಿಯು ವಿಶ್ವದ ಮೂಲೆ ಮೂಲೆಗಳಿಂದ ಯಾತ್ರಿಕರನ್ನು ಆಕರ್ಷಿಸಿತು, ಅವರ ವಿಶ್ವಾಸದ ಸಾಕ್ಷಿಯು ಅವರನ್ನು ಹೇಗೆ ಪ್ರೇರೇಪಿಸಿತು ಮತ್ತು ಅವರ ಹೃದಯಗಳನ್ನು ಹೇಗೆ ಸ್ಪರ್ಶಿಸಿತು ಎಂಬುದರ ಸಾಕ್ಷ್ಯಗಳನ್ನು ತಂದಿತು. ಸಂತರ ಜೀವನವು ಅವರ ಜೀವನದಲ್ಲಿ ವಿಶ್ವಾಸ ಮತ್ತು ಪವಿತ್ರತೆಯನ್ನು ಹೊರಸೂಸಿತು, ದೈನಂದಿನ ಜೀವನದಲ್ಲಿ ಧೈರ್ಯ, ಸಹಾನುಭೂತಿ ಮತ್ತು ಶಾಂತ ವಿಶ್ವಾಸವನ್ನು ಹೊಂದಿತ್ತು.

ವ್ಯಾಟಿಕನ್ ಸುದ್ದಿಗೆ ನೀಡಿದ ಸಂದರ್ಶನಗಳಲ್ಲಿ, ಹಲವಾರು ಯಾತ್ರಿಕರು ತಮ್ಮ ಭಾವನೆಗಳನ್ನು ಹಂಚಿಕೊಳ್ಳುತ್ತಾರೆ.

ಸಂತ ವಿನ್ಸೆಂಜಾ ಮಾರಿಯಾ ಪೊಲೊನಿರವರ ಜೀವನವು ದೈನಂದಿನ ಸೇವೆಯಲ್ಲಿ ಪವಿತ್ರತೆಯನ್ನು ಪ್ರತಿಬಿಂಬಿಸುತ್ತದೆ.

ವೆರೋನಾದ ಕರುಣೆಯ ಸಭೆಯ ಸಹೋದರಿಯರು ಅವರ ಜೀವಿತಾವಧಿಯಲ್ಲಿ ನಡೆದ ಈ ಮಹಾನ್ ಘಟನೆಗಾಗಿ ಮತ್ತು ಅವರ ಸಭೆಗಾಗಿ ತಮ್ಮ ಸಂತೋಷವನ್ನು ವ್ಯಕ್ತಪಡಿಸಿದರು. "ರೋಗಿಗಳು, ನಿರ್ಗತಿಕರು, ಬಡವರು ಮತ್ತು ಕ್ರಿಸ್ತರನ್ನು ಪ್ರೀತಿಸುವ ಸಾಮಾನ್ಯ ಜೀವನವನ್ನು ನಡೆಸಿದ ಮದರ್ ವಿನ್ಸೆಂಜಾ ರವರ ಉಡುಗೊರೆಗಾಗಿ ನಮ್ಮ ಹೃದಯಗಳು ಸಂತೋಷದಿಂದ ತುಂಬಿವೆ. ಅವರ ಪವಿತ್ರತೆಯು ದೊಡ್ಡ ಕಾರ್ಯಗಳಿಂದಲ್ಲ, ಆದರೆ ಬಹಳ ಸಂತೋಷದಿಂದ ಮಾಡಿದ ಸಣ್ಣಪುಟ್ಟ ಪ್ರೀತಿಯ ಸೇವಾಕಾರ್ಯಗಳಿಂದ ಬಂದಿದೆ" ಎಂದು ಸಂತ ಪೊಲೊನಿರವರು ಸ್ಥಾಪಿಸಿದ ಸಭೆಯ ಸದಸ್ಯರಾದ ಸಿಸ್ಟರ್ ಕ್ರಿಸ್ಟಿನಾರವರು ಹೇಳಿದರು.

ವೆನೆಜುವೆಲಾದ ಮೂಕ ಜ್ವಾಲೆಯಾದ ಸಂತ ಮಾರಿಯಾ ಡೆಲ್ ಮಾಂಟೆ ಕಾರ್ಮೆಲೊ ರೆಂಡಿಲ್ಸ್ ಮಾರ್ಟಿನೆಜ್
ವೆನೆಜುವೆಲಾದ, ಸಿಸ್ಟರ್ಸ್ ಆಫ್ ದಿ ಹ್ಯಾಂಡ್‌ಮೇಡ್ಸ್ ಆಫ್ ಜೀಸಸ್/ವೆನೆಜುವೆಲಾದ ಯೇಸುವಿನ ಸೇವಕರ ಸಭೆಯ ಸದಸ್ಯರಾದ ಸಿಸ್ಟರ್ ಆಡ್ರಿಯನ್ ರವರು, ತಮ್ಮ ಸಂಸ್ಥಾಪಕಿ ಸಂತ ಮಾರಿಯಾ ಡೆಲ್ ಮಾಂಟೆ ಕಾರ್ಮೆಲೊ ರೆಂಡಿಲ್ಸ್ ರವರನ್ನು ವೆನೆಜುವೆಲಾದ ಪ್ರಪ್ರಥಮ ಸಂತರು ಎಂದು ಘೋಷಿಸಿದಾಗ ತಮ್ಮ ಸಂತೋಷವನ್ನು ಹಂಚಿಕೊಂಡರು. ಅವರು ದೈಹಿಕ ಸವಾಲುಗಳನ್ನು ನಿವಾರಿಸಿ ಈ ಧಾರ್ಮಿಕ ಸಭೆಯನ್ನು ಸ್ಥಾಪಿಸಿದರು, ಇದು ಪಾಲನಾ ಆರೈಕೆಯ ಸೇವೆಗೆ ಮೀಸಲಾಗಿತ್ತು.

ಸಂತ ಮಾರಿಯಾ ಟ್ರೋನ್ಕಟ್ಟಿ, ಶಾಂತಿ ಮತ್ತು ಗುಣಪಡಿಸುವ ಧರ್ಮಪ್ರಚಾರಕರು
ಡಾನ್ ಬಾಸ್ಕೋದ ಸಲೇಶಿಯನ್ ಸಭೆಯ ಸಂತ ಮಾರಿಯಾ ಟ್ರೋನ್ಕಟ್ಟಿ ರವರು ವಿಶ್ವದಾದ್ಯಂತ ಅಸಂಖ್ಯಾತ ಜನರಿಗೆ ಸ್ಫೂರ್ತಿ ನೀಡುತ್ತಿದ್ದಾರೆ. "ನಮ್ಮ ಸಮಾಜದಲ್ಲಿರುವ ಬಡವರು, ರೋಗಿಗಳು ಮತ್ತು ಕನಿಷ್ಠ ವರ್ಗದವರ ಮೇಲಿನ ಪ್ರೀತಿಯಿಂದ ಧರ್ಮಪ್ರಚಾರಕ ಸೇವೆಯು ಪ್ರಾರಂಭವಾಗುತ್ತದೆ ಎಂದು ಸಂತ ಮಾರಿಯಾ ಟ್ರೋನ್ಕಟ್ಟಿರವರು ನಮಗೆ ತೋರಿಸಿದರು. ಪವಿತ್ರತೆಯು ದೂರವಿಲ್ಲ, ಅದು ಸಂತೋಷದಿಂದ ಸೇವೆ ಸಲ್ಲಿಸುವವರ ಕೊಡುಗೆಯಾಗಿದೆ ಎಂದು ಅವರು ನಮಗೆ ನೆನಪಿಸುತ್ತಾರೆ" ಎಂದು ಸಲೇಶಿಯನ್ ಸಿಸ್ಟರ್ ಗಿಸೆಲ್ ಮಾಷಾರವರು ಹೇಳಿದರು.

ಓಷಿಯಾನಿಯಾದ ವಿಶ್ವಾಸವನ್ನು ನವೀಕರಿಸುತ್ತಿರುವ ಸಂತ ಪೀಟರ್ ಟು ರಾಟ್
ಪಪುವಾ ನ್ಯೂಗಿನಿಯಾದ ಇಬ್ಬರು ಸಾಮಾನ್ಯ ಮಹಿಳಾ ಯಾತ್ರಿಕರಾದ ಸಮಂತಾ ಮತ್ತು ಕ್ಯಾಥಿ, ಸಂತ ಪೀಟರ್ ಟು ರಾಟ್ ರವರಿಗೆ ಮತ್ತು ಓಷಿಯಾನಿಯಾದ ಜನರಿಗೆ ಏನನ್ನು ಸೂಚಿಸುತ್ತದೆ ಎಂಬುದನ್ನು ಹಂಚಿಕೊಂಡರು.

ಸಮಂತಾರವರು ಈ ಅನುಭವವನ್ನು ನವೀಕರಣದ ಆಳವಾದ ವೈಯಕ್ತಿಕ ಪ್ರಯಾಣ ಎಂದು ಬಣ್ಣಿಸಿದರು. "ಸಂತ ಪದವಿಗೇರಿಸುವ ಪದವಿ ನೀಡುವಿಕೆಯು ನನ್ನ ವಿಶ್ವಾಸವನ್ನು ಗಾಢವಾಗಿಸಲು ಸ್ಫೂರ್ತಿ ನೀಡಿತು" ಎಂದು ಅವರು ಹೇಳಿದರು. "ಅವರ ಹುತಾತ್ಮತೆಯು ಪರೀಕ್ಷೆಯ ಸಮಯದಲ್ಲಿ ಪ್ರಭುಯೇಸುವಿನ ಪರವಾಗಿ ನಿಲ್ಲುವಲ್ಲಿ ನನ್ನ ಸ್ವಂತ ವಿಶ್ವಾಸವನ್ನು ಬಲಪಡಿಸಲು ಸಹಾಯ ಮಾಡಿತು; ಇದು ನನಗೆ ಮತ್ತು ಪಪುವಾ ನ್ಯೂಗಿನಿಯದ ಇತರರಿಗೆ ಸ್ಫೂರ್ತಿಯಾಗಿದೆ."