ಇರಾಕ್ನ ಕ್ರೈಸ್ತರು 'ಈ ದೇಶದವರು ದೈವಕರೆಯನ್ನು ಹೊಂದಿದ್ದಾರೆ': ಪಿತೃಪ್ರಧಾನ ಸಾಕೊ
ಜೋಸೆಫ್ ತುಲ್ಲೊಚ್ - ಮೊಸುಲ್
"ನಾವು ಇಷ್ಟೆಲ್ಲಾ ಕಷ್ಟ ಹಾಗೂ ನೋವನ್ನು ಅನುಭವಿಸಿದ್ದರೂ, ಮುಸ್ಲಿಮರು ಬಹುಸಂಖ್ಯಾತರಾಗಿರುವ ಈ ದೇಶದಲ್ಲಿ ನಮ್ಮ ವಿಶ್ವಾಸಕ್ಕೆ ನಾವು ಸಾಕ್ಷಿಯಾಗುವುದು ನಮಗೆ ದೊರಕಿರುವ ದೈವಕರೆಯಾಗಿದೆ ಎಂದು ನಾವು ಭಾವಿಸುತ್ತೇವೆ."
ಮೊಸುಲ್ನ ಐತಿಹಾಸಿಕ ಅಲ್-ತಹಿರಾ ದೇವಾಲಯದ ಪುನರ್ ಪವಿತ್ರೀಕರಣಕ್ಕಾಗಿ ದಿವ್ಯಬಲಿಪೂಜೆಯನ್ನು ಅರ್ಪಿಸಿದ ನಂತರ ಗುರುವಾರ ವ್ಯಾಟಿಕನ್ ಸುದ್ಧಿಯವರೊಂದಿಗೆ ಮಾತನಾಡುತ್ತಾ ಇರಾಕ್ನ ಚಾಲ್ಡಿಯನ್ ಧರ್ಮಸಭೆಯ ಮುಖ್ಯಸ್ಥ ಪಿತೃಪ್ರಧಾನ ಲೂಯಿಸ್ ರಾಫೆಲ್ ಐ ಸಾಕೊರವರು ಹೇಳಿದ ಮಾತುಗಳಿವು.
2014ರಲ್ಲಿ ಐಸಿಸ್ ನಿಂದ ಅಪವಿತ್ರಗೊಳಿಸಲ್ಪಟ್ಟ ಮತ್ತು ನಂತರ ಮೊಸುಲ್ ನ್ನು ಗುಂಪಿನಿಂದ ಮುಕ್ತಗೊಳಿಸಲು ವರ್ಷಪೂರ್ತಿ ನಡೆದ ಯುದ್ಧದಲ್ಲಿ ತೀವ್ರವಾಗಿ ಹಾನಿಗೊಳಗಾದ ದೇವಾಲಯದ ಕಟ್ಟಡವನ್ನು ಪುನಃ ಸರಿ ಮಾಡುತ್ತಾ, ಪಿತೃಪ್ರಧಾನರು ಇರಾಕಿನ ಕ್ರೈಸ್ತರು "ಬಹಳಷ್ಟು ನೋವನ್ನು ಅನುಭವಿಸಿದ್ದಾರೆ ಮತ್ತು ದಾಳಿಯಿಂದ ದಣಿದಿದ್ದಾರೆ" ಎಂದು ಹೇಳಿದರು.
ದೇಶದಲ್ಲಿ ಅಂದಾಜು 200,000 ಕ್ರೈಸ್ತರಿದ್ದಾರೆ, ಕೆಲವೇ ದಶಕಗಳ ಹಿಂದೆ ಲಕ್ಷಾಂತರ ಸಂಖ್ಯೆಯಲ್ಲಿದ್ದ ಸಮುದಾಯಕ್ಕೆ ಇದು ತೀವ್ರ ಕುಸಿತವಾಗಿದೆ.
ಆದರೆ, ಇರಾಕ್ನ ಕ್ರೈಸ್ತರು "ಎಂದಿಗೂ ವಿಶ್ವಾಸ ಮತ್ತು ಭರವಸೆಯನ್ನು ಕಳೆದುಕೊಳ್ಳುವುದಿಲ್ಲ. ಎಲ್ಲವೂ ಭರವಸೆಯ ಮೇಲೆ ಆಧಾರಿತವಾಗಿದೆ" ಎಂದು ಪಿತೃಪ್ರಧಾನ ಸಾಕೊರವರು ಒತ್ತಿ ಹೇಳಿದರು.
ದೈವಾರಾಧನಾ ವಿಧಿಯು ಚೈತನ್ಯತೆ
1743 ರಲ್ಲಿ ಪರ್ಷಿಯನ್ ದಾಳಿಯಿಂದ ನಗರವನ್ನು ರಕ್ಷಿಸುವಲ್ಲಿ ಕ್ರೈಸ್ತರು ವಹಿಸಿದ ಸಕ್ರಿಯ ಪಾತ್ರಕ್ಕಾಗಿ ಅವರಿಗೆ ಧನ್ಯವಾದ ಹೇಳಲು ಬಯಸಿದ ಮೊಸುಲ್ನ ಪಾಷಾರವರ ವಿಶೇಷ ಅನುಮತಿಯೊಂದಿಗೆ ಅಲ್-ತಹಿರಾ ಚಾಲ್ಡಿಯನ್ ದೇವಾಲಯವನ್ನು 18ನೇ ಶತಮಾನದ ಮಧ್ಯಭಾಗದಲ್ಲಿ ನಿರ್ಮಿಸಲಾಯಿತು.
ಇದನ್ನು 5ನೇ ಶತಮಾನದ ಸಂತ ಗೇಬ್ರಿಯಲ್ ಮಠದ ಸ್ಥಳದಲ್ಲಿ ನಿರ್ಮಿಸಲಾಯಿತು, ಇದು 9 ಮತ್ತು 10ನೇ ಶತಮಾನಗಳಲ್ಲಿ ಪ್ರಸಿದ್ಧ ದೈವಶಾಸ್ತ್ರದ ಶಾಲೆಯಾಗಿ ಮಾರ್ಪಟ್ಟಿತು.
ಹೊಸದಾಗಿ ಪುನಃಸ್ಥಾಪಿಸಲಾದ ದೇವಾಲಯದಲ್ಲಿ ಮೊದಲ ಬಾರಿಗೆ ಆಚರಿಸಲಾಗುತ್ತಿದ್ದ ಚಾಲ್ಡಿಯನ್ ದೈವಾರಾಧನಾ ವಿಧಿಯನ್ನು ಆ ಮಠದಲ್ಲಿಯೇ ರಚಿಸಲಾಯಿತು ಎಂದು ಪಿತೃಪ್ರಧಾನ ಸಾಕೊರವರು ವ್ಯಾಟಿಕನ್ ಸುದ್ಧಿಗೆ ತಿಳಿಸಿದರು.
ಇದು ದೈವಾರಾಧನಾ ವಿಧಿಯು ಎಂದು ಪಿತೃಪ್ರಧಾನರು ವಿವರಿಸಿದರು: ದೈವಾರಾಧನಾ ವಿಧಿ ಎಲ್ಲವನ್ನೂ ಬದಲಾಯಿಸುತ್ತದೆ." ಚಾಲ್ಡಿಯನ್ ದೈವಾರಾಧನಾ ವಿಧಿಯ ಪ್ರಾರ್ಥನೆಗಳು "ಊಹಾತ್ಮಕ ಅಥವಾ ದೈವಶಾಸ್ತ್ರೀಯವಲ್ಲ, ಆದರೆ "ಸಂಕ್ಷಿಪ್ತ ಮತ್ತು ಅರ್ಥವಾಗುವಂತಹವು" ಎಂದು ಅವರು ಹೇಳಿದರು, ನೇರವಾಗಿ ಬೈಬಲ್ನಿಂದ ತೆಗೆದುಕೊಳ್ಳಲಾಗಿದೆ.
ನಂತರ ಪಿತೃಪ್ರಧಾನರು ದೇವಾಲಯವನ್ನು ಅಲಂಕರಿಸುವ ಚಾಲ್ಡಿಯನ್ ಶೈಲಿಯ ಶಿಲುಬೆಗಳನ್ನು ತೋರಿಸಿದರು, ಅವುಗಳ ಮೇಲೆ ಪಾಶ್ಚಿಮಾತ್ಯ ಶೈಲಿಯ ಶಿಲುಬೆಗೇರಿಸಿದಂತೆ ಯೇಸುವಿನ ದೇಹವನ್ನು ಚಿತ್ರಿಸಲಾಗಿಲ್ಲ ಎಂದು ಗಮನಿಸಿದರು.
"ಇದು ಯೇಸು ಪುನರುತ್ಥಾನರಾಗಿದಾರೆ ಎಂಬ ಭರವಸೆಯನ್ನು ನಮಗೆ ನೀಡುತ್ತದೆ" ಎಂದು ಅವರು ಹೇಳಿದರು. "ನಾವು ಕಿರುಕುಳಕ್ಕೊಳಗಾಗಿದ್ದರೂ, ಕೊಲ್ಲಲ್ಪಟ್ಟರೂ ಸಹ, ನಮಗೆ ಈ ಭರವಸೆ ಇದೆ."
ಭವಿಷ್ಯದ ಬಗ್ಗೆ ಭರವಸೆಗಳು ಮತ್ತು ಚಿಂತನೆಗಳು
ಅಲ್-ತಹಿರಾವನ್ನು ಹಿಂದಿನ ದಿನ, ಅಕ್ಟೋಬರ್ 15ರ ಬುಧವಾರದಂದು, ಸ್ಥಳೀಯ ಪತ್ರಕರ್ತರು, ಮೊಸುಲ್ ಮೇಯರ್ ಮತ್ತು ನಿನೆವೆ ಪ್ರಾಂತ್ಯದ ರಾಜ್ಯಪಾಲರು ಸೇರಿದಂತೆ ಜನಸಮೂಹವನ್ನು ಆಕರ್ಷಿಸಿದ ಜಾತ್ಯತೀತ ಸಮಾರಂಭದಲ್ಲಿ ಉದ್ಘಾಟಿಸಲಾಯಿತು.
ಮರುದಿನ ನಡೆದ ದೇವಾಲಯವನ್ನು ಪುನಃ ಪವಿತ್ರೀಕರಿಸುವ ದಿವ್ಯಬಲಿಪೂಜೆಯ ವಿಧಿಯ ಪ್ರಾರ್ಥನೆಯು ಹೆಚ್ಚು ಶಾಂತವಾಗಿತ್ತು, ಇದರಲ್ಲಿ ಚಾಲ್ಡಿಯನ್ ಭಕ್ತವಿಶ್ವಾಸಿಗಳ ಸಣ್ಣ ಗುಂಪು ಭಾಗವಹಿಸಿತ್ತು. ಇದನ್ನು ಅರೇಬಿಕ್, ಚಾಲ್ಡಿಯನ್ ನಿಯೋ-ಅರಾಮಿಕ್ ಮತ್ತು ಫ್ರೆಂಚ್ ಮಿಶ್ರಣದಲ್ಲಿ ಆಚರಿಸಲಾಯಿತು - ದೇವಾಲಯದ ನವೀಕರಣವನ್ನು ನಿರ್ವಹಿಸಿದ ಫ್ರೆಂಚ್ ದತ್ತಿ ಸಂಸ್ಥೆಯಾದ ಎಲ್'ಓಯುವ್ರೆ ಡಿ'ಓರಿಯಂಟ್ನ ನಿಯೋಗಕ್ಕೆ ಉದ್ದೇಶಿಸಲಾದ ಕೊನೆಯ ಭಾಷೆಯಿದು.
ಐಸಿಸ್ನಿಂದ ವಿಮೋಚನೆಗೊಂಡ ಎಂಟು ವರ್ಷಗಳ ನಂತರ, ಕೆಲವೇ ಕೆಲವು ಕ್ರೈಸ್ತರು ಮೊಸುಲ್ನಲ್ಲಿ ಪೂರ್ಣಾವಧಿವರೆಗೆ ವಾಸಿಸಲು ಮರಳಿದ್ದಾರೆ ಮತ್ತು ಪುನರ್ಪವಿತ್ರೀಕರಣದಲ್ಲಿ ಭಾಗವಹಿಸಿದವರಲ್ಲಿ ಹೆಚ್ಚಿನವರು ಸುತ್ತಮುತ್ತಲಿನ ಕ್ರೈಸ್ತ ಹಳ್ಳಿಗಳಿಂದ ನಗರಕ್ಕೆ ಪ್ರಯಾಣಿಸಿದ್ದರು.
29 ವರ್ಷದ ನೋಹ, ಕ್ರೈಸ್ತ ಬಹುಸಂಖ್ಯಾತರನ್ನು ಹೊಂದಿರುವ ಕರಮ್ಲೇಶ್ನಿಂದ ಪ್ರಯಾಣ ಬೆಳೆಸಿದ್ದರು.
ಈ ಪುನರಾರಂಭವು ಇರಾಕ್ನಲ್ಲಿ ಕ್ರೈಸ್ತರಿಗೆ ಭವಿಷ್ಯವಿರಬಹುದು ಎಂಬ ಭರವಸೆಯನ್ನು ನೀಡುತ್ತದೆ ಎಂದು ಅವರು ಹೇಳಿದರು. ಈಗ ಪರಿಸ್ಥಿತಿ ಮೊದಲಿಗಿಂತ ಉತ್ತಮವಾಗಿದೆ, ಆದರೆ ರಾಜಕೀಯ ಪರಿಸ್ಥಿತಿ ಹೇಗೆ ಬದಲಾಗುತ್ತದೆ ಎಂದು ನಮಗೆ ಎಂದಿಗೂ ತಿಳಿದಿಲ್ಲ. ದೇವರು ಬಯಸಿದರೆ, ನಾವು ಉಳಿಯಲು ಸಾಧ್ಯವಾಗುತ್ತದೆ.
