ಹೋಲಿ ಕ್ರಾಸ್ ಧರ್ಮಪ್ರಚಾರಕರು ಕಥೊಲಿಕರಿಗೆ ಶಾಂತಿಗಾಗಿ ಜಾಗತಿಕ ಜಪಮಾಲೆ ಪ್ರಾರ್ಥಿಸಲು ಆಹ್ವಾನ ನೀಡುತ್ತಾರೆ

ಬ್ರದರ್ ಅಡಾಲ್ಫ್ ಮುಗುಮೆ, ಸಿ.ಎಸ್.ಸಿ.*

ಕಥೋಲಿಕ ಧರ್ಮಸಭೆಯು ಪ್ರತಿ ವರ್ಷ ಅಕ್ಟೋಬರ್ ತಿಂಗಳನ್ನು ಪವಿತ್ರ ಜಪಮಾಲೆಗಾಗಿ ಅರ್ಪಿಸುತ್ತದೆ, ಈ ಸಮಯದಲ್ಲಿ ಶಾಂತಿಯ ರಾಣಿ ಮಾತೆಮೇರಿಯ ಮೂಲಕ ನಾವು ಆಕೆಯ ಪುತ್ರನಿಗೆ ಹತ್ತಿರವಾಗುತ್ತೇವೆ ಎಂದು ನಮಗೆ ನೆನಪಿಸಲಾಗುತ್ತದೆ.

ದಿವಂಗತ ವಿಶ್ವಗುರು ಫ್ರಾನ್ಸಿಸ್ ಅವರು ಧರ್ಮಸಭೆಗೆ ಹೃದಯಗಳನ್ನು ಗುಣಪಡಿಸುವ ಮತ್ತು ಇತಿಹಾಸವನ್ನು ಪರಿವರ್ತಿಸುವ ಜಪಸರದ ಪ್ರಾರ್ಥನೆಯ ಶಕ್ತಿಯನ್ನು ಆಗಾಗ್ಗೆ ನೆನಪಿಸುತ್ತಿದ್ದರು. ಅಕ್ಟೋಬರ್ 27, 2023 ರಂದು, ಹೋಲಿ ಕ್ರಾಸ್ ಸಭೆಯು ಅವರೊಂದಿಗೆ ಉಪವಾಸ, ತಪಸ್ಸು ಮತ್ತು ಶಾಂತಿಗಾಗಿ ಪ್ರಾರ್ಥನೆಯ ದಿನದಂದು ಸೇರಿಕೊಂಡಿತು.

ಆ ಅನುಭವದ ನಂತರ, ಜಗತ್ತನ್ನು ಕಾಡುತ್ತಿರುವ ಹಿಂಸೆ ಮತ್ತು ಸಂಕಟಗಳಿಗೆ ಪ್ರತಿಕ್ರಿಯೆಯಾಗಿ ಹೆಚ್ಚಿನದನ್ನು ಮಾಡಲು ಕರೆ ನೀಡಲ್ಪಟ್ಟಿತು ಎಂದು ಭಾವಿಸಿದ ಪ್ರಧಾನ ಶ್ರೇಷ್ಠಾಧಿಕಾರಿ, ಬ್ರದರ್ ಪಾಲ್ ಬೆಡ್ನಾರ್ಸಿಕ್ ರವರು, ಶಾಂತಿಗಾಗಿ ಪ್ರಾರ್ಥಿಸಲು ಮತ್ತೆ ಒಂದಾಗಲು ವಿಶ್ವದಾದ್ಯಂತದ ಸಭೆಗೆ ಕರೆ ನೀಡಿದರು.

ಹೋಲಿ ಕ್ರಾಸ್ ಪ್ರಧಾನ ಶ್ರೇಷ್ಠಾಧಿಕಾರಿ ಆಢಳಿತಾಧಿಕಾರಿಯು ಮತ್ತೊಮ್ಮೆ ಸಭೆಯ ಧರ್ಮಪ್ರಚಾರಕ ಸಂಸ್ಥೆಗಳಲ್ಲಿ ಒಂದಾದ ಹೋಲಿ ಕ್ರಾಸ್ ಕುಟುಂಬಗಳ ಧರ್ಮಪ್ರಚಾರದ ಸೇವಾಕಾರ್ಯದ ಜೊತೆ ಕೈಜೋಡಿಸಿ, ಫೆಬ್ರವರಿ 16, 2024 ರಂದು ತಪಸ್ಸುಕಾಲದ ಮೊದಲ ಶುಕ್ರವಾರದಂದು ಶಾಂತಿಗಾಗಿ ಜಾಗತಿಕ ಜಪಸರ ಪ್ರಾರ್ಥನೆಯನ್ನು ಆಯೋಜಿಸಿತು.

ಶಾಂತಿಯ ರಾಣಿ ಮಾತೆಮೇರಿಯು, ಜನರು ಶಾಂತಿಯ ಮಾರ್ಗವನ್ನು ಕಂಡುಕೊಳ್ಳುವಂತೆ ಮಧ್ಯಸ್ಥಿಕೆ ವಹಿಸಿ" ಎಂಬ ವಿಶ್ವಗುರುಗಳ ಮನವಿಗೆ ಅನುಗುಣವಾಗಿ, ವಿಶಾಲ ಜಗತ್ತು ಮತ್ತು ಸಾರ್ವತ್ರಿಕ ಧರ್ಮಸಭೆಗೆ ಆಹ್ವಾನವನ್ನು ವಿಸ್ತರಿಸಲಾಯಿತು ಮತ್ತು ಪ್ರಪಂಚದಾದ್ಯಂತ ಸಾವಿರಾರು ಜನರು ಶಾಂತಿಗಾಗಿ ಜಪಸರ ಪ್ರಾರ್ಥನೆಯಲ್ಲಿ ಸೇರಿಕೊಂಡರು.

ವಿಶ್ವಗುರು XIV ಲಿಯೋರವರು ಇತ್ತೀಚೆಗೆ ಒತ್ತಿ ಹೇಳಿದಂತೆ, ಮಾತೆಮೇರಿಯು ಭೂಮಿಯ ಮೇಲಿನ ಭಕ್ತವಿಶ್ವಾಸಿಗಳ ತಾಯಿ ಮತ್ತು ಶಾಂತಿಯ ರಾಣಿ ಮಾತೆಮೇರಿಯು ಎಂದು ಸ್ಮರಿಸಲಾಗುತ್ತದೆ. ನಮ್ಮ ಪ್ರಾರ್ಥನೆಗಳನ್ನು ಅವರಿಗೆ ವಹಿಸುವ ಮೂಲಕ, ಶಾಂತಿಯನ್ನು ಮಾನವ ಪ್ರಯತ್ನದಿಂದ ಮಾತ್ರ ಸಾಧಿಸಲಾಗುವುದಿಲ್ಲ, ಆದರೆ ದೇವರ ಕೃಪೆಯಿಂದ ಮಾತ್ರ ಸಾಧಿಸಲಾಗುತ್ತದೆ ಎಂದು ನಾವು ಗುರುತಿಸುತ್ತೇವೆ.

ಈ ಉತ್ಸಾಹದಲ್ಲಿ, ಹೋಲಿ ಕ್ರಾಸ್ ಸಭೆ ಮತ್ತು ಹೋಲಿ ಕ್ರಾಸ್ ಕುಟುಂಬ ಸೇವಾ ಕಾರ್ಯಗಳು ಮತ್ತೊಮ್ಮೆ ಕೈಜೋಡಿಸಿ, ಅಕ್ಟೋಬರ್ 22 ರಂದು ಮತ್ತೊಂದು ಜಾಗತಿಕ ಶಾಂತಿಗಾಗಿ ರೋಸರಿಯನ್ನು ಆಯೋಜಿಸಲು ಎಲ್ಲಾ ವಯಸ್ಸಿನ, ಭಾಷೆ ಮತ್ತು ರಾಷ್ಟ್ರದ ಎಲ್ಲ ಜನರನ್ನು ಆಹ್ವಾನಿಸಿವೆ.