ಪಾಶ್ಚಾತ್ಯ ಧರ್ಮಸಭೆಗಳಿಂದ ಸುದ್ದಿ – ಸೆಪ್ಟೆಂಬರ್ 24, 2025
ಈ ವಾರದ ಪೂರ್ವದ ಸುದ್ದಿಗಳು
ಮಾರ್ ಎಲಿಯಾಸ್ನಲ್ಲಿ 22 ದೀಕ್ಷಾಸ್ನಾನ
ಡಮಾಸ್ಕಸ್ನ ಡೌಯಿಲೆಹ್ ನೆರೆಹೊರೆಯಲ್ಲಿರುವ ಮಾರ್ ಎಲಿಯಾಸ್ನ ಗ್ರೀಕ್ ಆರ್ಥೊಡಾಕ್ಸ್ ದೇವಾಲಯದ ಮೇಲೆ ದಾಳಿ ನಡೆದ ಮೂರು ತಿಂಗಳ ನಂತರ, 22 ಸಿರಿಯಾದ ಮಕ್ಕಳಿಗೆ ಭರವಸೆಯ ಸಂಕೇತವಾಗಿ ಮತ್ತು ಹುತಾತ್ಮರ ಗೌರವಾರ್ಥವಾಗಿ ದೀಕ್ಷಾಸ್ನಾನ ನೀಡಲಾಗುತ್ತದೆ.
ಈ ಒಂದು ಸನ್ನೆಯು ಭಕ್ತರ ವಿಶ್ವಾಸವನ್ನು, ಪರೀಕ್ಷೆಗಳ ಹೊರತಾಗಿಯೂ ಜೀವನ ಮತ್ತು ಭರವಸೆಯನ್ನು ರವಾನಿಸುವರ ಬಯಕೆಯನ್ನು ದೃಢಪಡಿಸಿತು ಎಂದು ಧರ್ಮಗುರು ಯೂಹನ್ನಾ ಶಹಾದಾರವರು ಸ್ಮರಿಸಿದರು. ನಾವು ನಮ್ಮ ಮಕ್ಕಳಿಗೆ ದೀಕ್ಷಾಸ್ನಾನ ನೀಡುವುದನ್ನು ಮುಂದುವರಿಸುತ್ತೇವೆ, ಹಾಗೆಯೇ ಅವರಿಗೆ ಮಾರ್ಗದರ್ಶನ ನೀಡುತ್ತೇವೆ ಮತ್ತು ಈ ದೇವಾಲಯದಲ್ಲಿ ಮತ್ತು ಈ ನಾಡಿನಲ್ಲಿ ದೇವರ ವಿಶ್ವಾಸದಲ್ಲಿಅವರನ್ನು ಬೆಳೆಸುತ್ತೇವೆ ಹಾಗೂ ಆ ವಿಶ್ವಾಸವನ್ನು ಜೀವಂತವಾಗಿರಲು ಸಮುದಾಯದ ದೃಢಸಂಕಲ್ಪವನ್ನು ಒತ್ತಿ ಹೇಳಿದರು.
ಪವಿತ್ರ ನಾಡಿನಲ್ಲಿ ಶಾಲಾ ಸಾಲಗಳ ರದ್ದತಿ
ಜೆರುಸಲೇಮ್ನ ಲತೀನ್ ಪಿತಾಮಹ ಕಾರ್ಡಿನಲ್ ಪಿಯರ್ಬಟಿಸ್ಟಾ ಪಿಜ್ಜಾಬಲ್ಲಾರವರು, 2024–2025ರ ಶಾಲಾ ವರ್ಷಕ್ಕೆ ಮುಂಚಿತವಾಗಿ ಪವಿತ್ರ ನಾಡಿನ ಕಥೋಲಿಕ ಶಾಲೆಗಳಲ್ಲಿ ವಿದ್ಯಾರ್ಥಿಗಳ ಕುಟುಂಬಗಳು ಸಂಗ್ರಹಿಸಿದ ಶಾಲಾ ಸಾಲಗಳನ್ನು ರದ್ದುಪಡಿಸುವುದಾಗಿ ಘೋಷಿಸಿದರು.
ಗಾಜಾದಲ್ಲಿನ ಯುದ್ಧದಿಂದ ಪ್ರಭಾವಿತರಾಗಿ ಪ್ರವಾಸೋದ್ಯಮ ಆದಾಯದಿಂದ ವಂಚಿತರಾದ ಅನೇಕರು ತಮ್ಮ ಮಕ್ಕಳ ಶಿಕ್ಷಣವನ್ನು ಭರಿಸಲಾಗದ ಸಮಯದಲ್ಲಿ ಈ ಅಸಾಧಾರಣ ಕ್ರಮವು ಬಂದಿದೆ.
ಪತ್ರವೊಂದರಲ್ಲಿ, ಕಾರ್ಡಿನಲ್ ರವರು ಅಂತಹ ನಿರ್ಧಾರದ ಕಷ್ಟವನ್ನು ಒಪ್ಪಿಕೊಂಡರು, ಅದರ ವೆಚ್ಚವನ್ನು ಪರಿಗಣಿಸಿ, ಆದರೆ ಅದನ್ನು "ಅಗತ್ಯ" ಎಂದು ನಿರ್ಣಯಿಸಿದರು.
ಅವರು ಇದನ್ನು 2025ರ ಜ್ಯೂಬಿಲಿಯ ಚೈತನ್ಯಕ್ಕೆ ಸಂಬಂಧಿಸಿದ ಒಗ್ಗಟ್ಟಿನ ದೃಢವಾದ ಸೂಚಕವೆಂದು ಬಣ್ಣಿಸಿದರು, ಇದು ಆಂತರಿಕ ಮತಾಂತರಕ್ಕೆ ಸೀಮಿತವಾಗಿರಬಾರದು, ಆದರೆ ನ್ಯಾಯ, ನ್ಯಾಯ ಮತ್ತು ಪರಸ್ಪರ ಬೆಂಬಲವನ್ನು ಉತ್ತೇಜಿಸಬೇಕು.
ಇರಾಕ್ನಲ್ಲಿ ನೂತನ ಪ್ರೇಷಿತ ರಾಯಭಾರಿ
ವಿಶ್ವಗುರು XIV ಲಿಯೋರವರು ಮಹಾಧರ್ಮಾಧ್ಯಕ್ಷರಾದ ಮಿರೋಸ್ಲಾವ್ ವಾಚೋವ್ಸ್ಕಿರವರನ್ನು ಇರಾಕ್ಗೆ ಪ್ರೇಷಿತ ರಾಯಭಾರಿಯಾಗಿ ನೇಮಿಸಿದ್ದಾರೆ. 55 ವರ್ಷದ ಪೋಲಿಷ್ ರಾಜತಾಂತ್ರಿಕರು ಪ್ರಸ್ತುತ ರಾಜ್ಯಗಳೊಂದಿಗಿನ ಸಂಬಂಧದ ಪವಿತ್ರ ಪೀಠಾಧಿಕಾರಿಯ ಅಧೀನ ಕಾರ್ಯದರ್ಶಿಯಾಗಿದ್ದಾರೆ.
1996ರಲ್ಲಿ ಯಾಜಕರಾಗಿ ದೀಕ್ಷೆ ಪಡೆದ ಅವರು ಧರ್ಮಸಭೆಯ ಧರ್ಮಶಾಸ್ತ್ರದಲ್ಲಿ ಗೌರಾವಾನ್ವಿತ ಪದವಿಯನ್ನು ಹೊಂದಿದ್ದಾರೆ ಮತ್ತು ಪಾಂಟಿಫಿಕಲ್ ಎಕ್ಲೆಸಿಯಾಸ್ಟಿಕಲ್ ಅಕಾಡೆಮಿಯಲ್ಲಿ ಅಧ್ಯಯನ ಮಾಡಿದರು. ಇವರು 2004ರಲ್ಲಿ ಪವಿತ್ರ ಪೀಠಾಧಿಕಾರಿಯ ರಾಜತಾಂತ್ರಿಕ ಸೇವೆಗೆ ಪ್ರವೇಶಿಸಿದರು.
ಅವರ ದೈವಕರೆಯ ಜೀವನವು ಅವರನ್ನು ಸೆನೆಗಲ್ಗೆ, IAEA, OSCE ಮತ್ತು UN ನಲ್ಲಿ ವಿಯೆನ್ನಾಕ್ಕೆ ಹಾಗೂ ಪೋಲೆಂಡ್ಗೆ ಕರೆದೊಯ್ದಿದೆ. ಬಾಗ್ದಾದ್ನಲ್ಲಿ, ಅವರು ಕಿನ್ಶಾಸಾಗೆ ನೇಮಕಗೊಂಡ ಮಹಾಧರ್ಮಾಧ್ಯಕ್ಷರಾದ ಮಿಟ್ಜಾ ಲೆಸ್ಕೋವರ್ ರವರ ನಂತರ ಅಧಿಕಾರ ವಹಿಸಿಕೊಳ್ಳುತ್ತಾರೆ.
