Հայ Կաթողիկէ Երիտասարդական Միութեան հոգեւոր ճամբարը՝ Ստեփանաւանի մէջ
2026 թուականի յուլիս 20-25-ին Ստեփանաւանի մէջ կայացաւ Հայ Կաթողիկէ Երիտասարդական Միութեան (ՀԿԵՄ) ամառնային ճամբարը՝ Արհ. Տ. Գէորգ Արքեպս. Նորատունկեանի առաջնորդութեամբ։ Ճամբարին մասնակցեցան 54 երիտասարդներ՝ Հայաստանէն, Վրաստանէն եւ Ռուսաստանէն, որոնք հինգ օր շարունակ ապրեցան աղօթքի, եղբայրութեան եւ հոգեւոր կազմաւորման հարուստ փորձառութիւն։
Ծրագիրը կը ներառէր ամէնօրեայ Սուրբ Պատարագ, ուխտագնացութիւն, խորհրդածութիւններ, դասախօսութիւններ եւ աշխատարաններ՝ քրիստոնէական կոչումի, ընտանիքի, աղօթքի, արհեստական բանականութեան, երիտասարդութեան առաքելութեան եւ Եկեղեցւոյ կեանքին վերաբերող թեմաներով։ Մասնակիցները նաեւ մասնակցեցան Lectio Divina-ի խորհրդածութեան, դիտեցին հոգեւոր ֆիլմեր եւ ներգրաւուեցան մարզական ու մշակութային ձեռնարկներ։
Ճամբարը աւարտեցաւ խարոյկով եւ ամփոփիչ հանդիպումով, ուր Սրբազանը շնորհակալութիւն յայտնեց կազմակերպիչներուն եւ երիտասարդներուն՝ քաջալերելով զանոնք իրենց ապրած հոգեւոր փորձառութիւնը վերածելու ծառայութեան եւ առաքելութեան՝ իրենց համայնքներուն մէջ։ Այս նախաձեռնութիւնը իրականացաւ Ամերիկեան Եպիսկոպոսներու Խորհուրդին (USCCB) աջակցութեամբ եւ մասնակից երիտասարդներու կամաւոր նուիրատուութիւններով։
Աղբիւրը` Հայաստանի Հայ Կաթողիկէ Առաջնորդարանի Դիւան
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ.
