Աւելի քան 3000 ուխտաւորներ մասնակցած են Սուրբ Թադէի վանքի ուխտագնացութեան

Այս տարի Ատրպատականի Հայոց թեմին մէջ գտնուող Սուրբ Թադէի վանքի տարեկան ուխտագնացութեան մասնակցած են աւելի քան 3000 ուխտաւորներ։ Ըստ Հայաստանի մէջ Իրանի դեսպանատան, Յուլիսի 16-18ին կայացած ուխտագնացութեան մասնակցած են Իրանէն եւ աշխարհի տարբեր երկիրներէ աւելի քան 3000 ուխտաւորներ։

Ատրպատականի Հայոց թեմի առաջնորդ Գրիգոր արքեպիսկոպոս Չիֆթճեան նշած է, որ արարողութեան պատգամը Իրանի եւ ամբողջ աշխարհի մէջ խաղաղութեան ու անդորրութեան հաստատման մաղթանքն է։ 

Այս առիթով, տեղի ունեցած է նաեւ Սուրբ Թադէ առաքեալի նորոգուած խուցին պաշտօնական բացումը։

Աղբիւրը` Ասպարէզ