Ֆրանսայի մէջ տաքի ալիքին հետեւանքով 68 հազար տուն առանց ելեկտրականութեան մնացած է
Ֆրանսայի հիւսիս-արեւմուտքին մէջ գտնուող Պրեթայնի մէջ տաքի ալիքին պատճառով 68 հազար տուն մնացած է առանց ելեկտրականութեան: ԹԱՍՍ լրատու գործակալութիւնը կը հաղորդէ, որ այս մասին յայտնած են Ֆինիսթեր շրջանի իշխանութիւնները:
Ֆրանսայի մէջ տաքի պատճառով կարմիր վտանգի մակարդակ կը գործէ 58 շրջաններու մէջ, իսկ նարնջագոյն (նախավերջին)` 31 շրջաններու մէջ:
Անբնական տաքի հետեւանքով դադրեցուած է շուրջ 10 հազար ուսումնական հաստատութիւններու աշխատանքը կամ փոխուած է անոնց ժամանակացոյցը, սահմանափակուած է երկաթուղային փոխադրութեան երթեւեկը:
Առնուազն 5 մահ արձանագրուած է, եւ 40 անձեր խեղդուած են ջրամբարներու մէջ, ինչ որ նոյնպէս կը կապուի տաքի ալիքի հետեւանքներուն:
Աղբիւրը՝ Ազդակ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ.
