«Ազդակ»-ի խմբագրատան ընդունարանը կոչուեցաւ Մեթր Ժաք Չուխատարեանի
«Ազդակ»-ի խմբագրատան ընդունարանը անուանակոչուեցաւ լիբանանահայ պետական-հասարակական գործիչ մեթր Ժաք Չուխատարեանի անունով, որ եղած է կենսոլորտի հիմնադիր նախարար եւ Հայկական երեսփոխանական պլոքի երկարամեայ անդամ: Նաեւ, ան մեծապէս նուիրուած է Դաշնակցութեան ու անոր ուղեկից միութիւններու իրաւաբանական թղթածրարներու տնօրինման, ինչպէս նաեւ Համազգայինի Կեդրոնական վարչութեան եւ հայ կաթողիկէ համայնքի աղքատախնամի աշխատանքներուն:
Ուրախ ենք յայտարարելու, որ «Ազդակ»-ի խմբագրատան ընդունարանը կոչուեցաւ մեթր Ժաք Չուխատարեանի անունով: Մեթր Չուխատարեան տարիներ շարունակ անդամակցած է Հայկական երեսփոխանական պլոքին, վարած է կենսոլորտի նախարարի պաշտօնը (իր օրով ստեղծուած է կենսոլորտի նախարարութիւնը) եւ ստանձնած է Դաշնակցութեան եւ անոր ուղեկից միութիւններու կալուածներու իրաւաբանական եւ պետական թղթաբանութեան թղթածրարներու պատասխանատուութիւնը:
Մեթր Ժաք Չուխատարեան տարիներ շարունակ եղած է անդամ Համազգայինի Կեդրոնական վարչութեան եւ հայ կաթողիկէ համայնքի աղքատախնամի բաժինի նախագահ:
Աղբիւրը՝ Ազդակ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ.
12/06/2026, 08:20
