ODA. Ընտրութիւններէն առաջ մտահոգիչ մթնոլորտ Հայաստանի մէջ
«Հայաստանի մէջ Ժողովրդավարութեան Միջազգային Դիտարան» (IODA) նախաձեռնութիւնը հրապարակած է զեկոյց մը, ուր կը նշուի, թէ Յունիս 7-ի խորհրդարանական ընտրութիւններէն առաջ աճ արձանագրուած է կառավարութեան քննադատներու ձերբակալութիւններուն եւ քաղաքական ճնշումներուն մէջ։
Կազմակերպութեան փաստահաւաք առաքելութիւնը արձանագրած է շարք մը դէպքեր, որոնց ընթացքին լրագրողներ, երիտասարդներ եւ ընդդիմադիր գործիչներ ենթարկուած են քրէական հետապնդումներու։ IODA-ի համաձայն, նման քայլեր կրնան բացասաբար ազդել խօսքի ազատութեան եւ ժողովրդավարական գործընթացներու վրայ։
Զեկոյցը նաեւ կը մատնանշէ պետական միջոցներու ենթադրեալ օգտագործումը իշխող կուսակցութեան նախընտրական քարոզարշաւին համար, ինչպէս նաեւ ընտրողներու մօտ վախի եւ ճնշման մթնոլորտի գոյութիւնը։ Մասնաւորաբար, պետական համակարգի աշխատակիցներու եւ ուսուցիչներու շրջանին մէջ մտավախութիւններ յայտնուած են քաղաքական նախասիրութիւններու արտայայտման հետեւանքներուն մասին։
IODA-ն կոչ կ՛ուղղէ Հայաստանի իշխանութիւններուն՝ երաշխաւորելու ազատ եւ արդար ընտրական միջավայր, պաշտպանելու խօսքի ազատութիւնը եւ ապահովելու, որ բոլոր քաղաքացիները կարենան առանց ճնշումներու մասնակցիլ քաղաքական գործընթացներուն։
Աղբիւրը Ասպարէզ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
