Եւրոպական Դատարանը Պաքուէն պահանջեց մինչեւ 31 օգոստոս գերիներու դատավճիռները տրամադրել

Ատրպէյճան մնայուն կերպով  դիմում կը ներկայացնէ Մարդու իրաւունքներու եւրոպական դատարան` խնդրելով վերացնել միջանկեալ միջոցը, որով Ատրպէյճան պարտաւոր է պարբերաբար հաշուետուութիւն ներկայացնել Ատրպէյճանի մէջ պահուող հայ գերիներու պահման պայմաններուն, անոնց առողջական վիճակին մասին: Ատրպէյճան կը հաւաստիացնէ, որ բոլոր գործընթացները կ՛ընթանան թափանցիկ եւ հրապարակային:

Մարդու իրաւունքներու եւրոպական դատարանը 9 Ապրիլ 2026ին մերժեց Ատրպէյճանի հերթական դիմումը` Ատրպէյճանի կառավարութիւնը կրկին պարտաւորեցնելով շարունակելու տրամադրել տեղեկութիւններ կալանաւորուածներու պահման պայմաններուն, ինչպէս նաեւ անոնց վերջին բժշկական քարտերու ու իրականացուած բժշկական հետազօտութիւններուն եւ բուժման վերաբերեալ այլ փաստաթուղթերու մասին: Դատարանը կը ստիպէ նաեւ ներկայացնել հայ գերիներուն դէմ յարուցուած քրէական վարոյթի ծիրին մէջ կայացուած դատավճիռներու պատճէնները կամ այդ դատավճիռներու ամփոփագիրները, որոնք պէտք է ներառեն դատավճիռ կայացուցած դատաւորներուն հիմնաւորումները` գործին մէջ առկայ ապացոյցներու վրայ հիմնուած:

Զեկոյցի ներկայացման յաջորդ վերջնաժամկէտը 31 Օգոստոս 2026 է: 

Աղբիւրը `Ասպարէզ