Amnesty Internationalը քննադատած է Ատրպէյճանի իշխանութիւնները
Amnesty International իր տարեկան զեկոյցին մէջ քննադատած է Ատրպէյճանի իշխանութիւնները՝ 2020 – 2023 տարիներու հակամարտութենէն տուժածներուն պաշտպանութիւնը եւ պատասխանատուութեան ապահովումը չկատարելուն համար։ Կազմակերպութիւնը յատկապէս ընդգծած է հայ բանտարկեալներու հարցը՝ յիշեցնելով, որ Մարդու իրաւունքներու եւրոպական դատարանը պարտադրած է տեղեկութիւն տրամադրել անոնց վիճակին մասին։
Զեկոյցը նաեւ քննադատած է Հայաստանի ոստիկանութիւնը՝ նշելով, որ բարեփոխումները չեն կրցած կանխել բողոքներու ընթացքին անհամաչափ ուժի կիրարկումը եւ հաշուետուութեան պակասը։ Մասնաւորապէս յիշատակուած են 2024-ի հակակառավարական ցոյցերը, ուր խախտումներ արձանագրուած են, սակայն պատասխանատուութեան ենթարկուած են միայն ցուցարարներ, ոչ թէ ոստիկաններ։
Վերջապէս, զեկոյցը կ՛անդրադառնայ նաեւ ներքաղաքական լարուածութեան, նշելով, որ արտաքին քաղաքականութեան փոփոխութիւնները եւ Ռուսիաի հետ կապերու թուլացումը խթանած են բաժանումներ, ապատեղեկատուութիւն եւ ատելութեան խօսք, ինչպէս նաեւ յիշատակուած է ազդեցիկ գործարարի ձերբակալութիւնը՝ յեղաշրջման փորձի կասկածով։
Աղբիւրը` Ասպարէզ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
