Թրամփ կը խօսի Իրանի հետ «Լաւ» եւ «չափազանց արդիւնաւէտ» բանակցութիւններու մասին
Տանըլտ Թրամփ յայտարարեց, որ Իրանի հետ վերջին օրերուն ընթացած բանակցութիւնները «լաւ» եւ «չափազանց արդիւնաւէտ» էին, եւ անոնք պիտի շարունակուին այս շաբաթ։ Ան նաեւ յայտնեց, որ ժամանակաւորապէս յետաձգած է Իրանի ուժանիւթի ենթակառոյցներուն դէմ հարուածները՝ բանակցութիւններուն յաջողութեան յոյսով։
Միաժամանակ, հակասական տեղեկութիւններ կան բանակցութիւններու գոյութեան մասին․ Իրանը կը հերքէ ուղիղ բանակցութիւնները, մինչդեռ տարբեր աղբիւրներ կը նշեն միջնորդութիւններու (Թուրքիա, Եգիպտոս, Փաքիստան) միջոցաւ շփումներու գոյութիւնը։
Իսրայէլի մէջ մտահոգութիւն կայ, քանի որ խոստացուած արագ յաղթանակը կամ Իրանի ներսի ապստամբութիւնը չեն իրականացած։ Նեթանիահու կը յայտնէ, թէ կ՛աշխատի Իրանի հետ «վատ համաձայնութիւն» մը կանխելու ուղղութեամբ։
Հորմուզի նեղուցը կը մնայ լարուածութեան կեդրոն, եւ անոր շուրջ զարգացումները կրնան ազդել համաշխարհային ուժանիւթի շուկային վրայ։ Շատ երկիրներ կը զգուշացնեն, որ հակամարտութեան սրացումը կրնայ լուրջ տնտեսական եւ անվտանգային հետեւանքներ ունենալ։
Միջազգային կողմեր՝ ներառեալ Ռուսաստան եւ Չինաստան, կոչ կ՛ընեն դիւանագիտական լուծման, մինչդեռ պատերազմը արդէն մեծ վնասներ պատճառած է եւ ուժանիւթի համաշխարհային ճգնաժամի վտանգ ստեղծած։
Աղբիւրը` Ազդակ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
