Լիբանանի նախագահը դատապարտած է Իսրայէլի հարուածները կամուրջներուն
«Հըզպալլա»-ի դէմ ռազմական գործողութիւններու ընթացքին Իսրայէլ Լիբանանի հարաւին մէջ հերթական կամուրջը պայթեցուցած է՝ խմբաւորման տեղաշարժը խոչընդոտելու համար։ Լիբանանի նախագահը դատապարտած է կամուրջներու թիրախաւորումը՝ զայն անուանելով «անարդարացուած»։ Այս մասին կը հաղորդէ The Associated Press գործակալութիւնը։
«Ասոնք (հարուածները) ցամաքային ներխուժման նախերգանք են»,– ըսած է նախագահ Ժոզէֆ Աունը։
Ան աւելցուցած է, որ Լիբանանը իր մտահոգութիւնները բարձրացուցած է դիւանագիտական ուղիներով։
Աունը նաեւ խոստացած է զինաթափել «Հըզպալլա»-ն եւ ուղղակի բանակցութիւններ առաջարկած է Իսրայէլին՝ պատերազմին վերջ դնելու համար։
Աղբիւրը՝ Արեւելք
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
