Քուպան Սուրբ Աթոռի հետ բանակցութիւններէն ետքը ազատ կ՛արձակէ 51 բանտարկեալ
Վատիկան Նիուզ - Հայկական Բաժանմունք
Քուպայի կառավարութիւնը յայտարարեց, թէ յառաջիկայ օրերուն ազատ պիտի արձակէ 51 բանտարկեալներ՝ որպէս «Սուրբ Աթոռին հետ սերտ եւ կայուն յարաբերութիւններուն հոգիով բարի կամքի արարք»։ Այս որոշումը հաղորդուած է Հաւանայի Արտաքին գործոց նախարարութեան կողմէ եւ կապուած է նաեւ Սուրբ Շաբաթուան տօնակատարութիւններուն հետ։
Վատիկանի Մամուլի գրասենեակի տնօրէն Մաթթէօ Պրունի հաստատեց, թէ վերջին շրջանին տեղի ունեցած են քննարկումներ Վատիկանի եւ Քուպայի իշխանութիւններուն միջեւ՝ բանտարկեալներու ազատ արձակման մասին։
Ներգրաւուած բանտարկեալները արդէն իրենց պատիժին զգալի մէկ մասը կրած են եւ պահպանած են լաւ վարքագիծ բանտարկութեան ընթացքին, սակայն անոնց անունները եւ դատապարտման պատճառները չեն հրապարակուած։
Այս քայլը կը տեղաւորուի Սուրբ Աթոռին եւ Քուպայի միջեւ երկխօսութեան եւ միջնորդութեան աւանդութեան մէջ։ Ազատ արձակումները տեղի կ՚ունենան այն ժամանակ, երբ երկիրը կը դիմագրաւէ դժուար շրջան մը՝ տնտեսական ճգնաժամով, Միացեալ Նահանգներու հետ լարուած յարաբերութիւններու եւ քաղաքացիական ազատութիւններու վերաբերեալ միջազգային ճնշումներու պատճառաւ։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
