ԵՈՒՆԻՍԵՖը եւ անոր գործընկերները Սիւնիքի մէջ երիտասարդներու նոր համաստեղծման տարրալուծարան մը հիմնեցին

ԵՈՒՆԻՍԵՖը, «Ձեռնարկութիւններու զարգացման հիմնարկ»ին (EIF), Մեղրիի համայնքապետարանին եւ ԵՈՒՆԻՍԵՖի Նորարարութիւններու գրասենեակին աջակցութեամբ՝ Սիւնիքի մարզի Ագարակ քաղաքին մէջ բացումը կատարուեց համաստեղծման տարրալուծարանի մը:

Հայաստանի ամէնէն հեռաւոր հարաւային համայնքներէն մէկուն մէջ գործող այս կեդրոնը նպատակ ունի հզօրացնել դեռահասները եւ երիտասարդները՝ անոնց համար հասանելի դարձնելով ժամանակակից գործիքները, տրամադրելով խորհրդատուութեան եւ համատեղ զարգացման կարելիութիւններ: Ասիկա Սիսիանի մէջ 2024ին հիմնուած համաստեղծման տարրալուծարանէն ետք երկրորդն է:

Այս առիթով հրապարակուած հաղորդագրութեան մէջ կ՛ըսուի հետեւեալը. «Նորաբաց կենտրոնը արդէն իր փորձնական փուլում ընդունել է 70 երիտասարդ` իրազեկման միջոցառումների եւ ներածական դասընթացների շրջանակում: Առաջիկայում ակնկալւում է, որ այն տարեկան կը սպասարկի աւելի քան 100 դեռահասի եւ երիտասարդի` առաջարկելով հմտութիւնների զարգացման շարունակական ծրագրեր, թուային գրագիտութեան աշխատարաններ եւ գործնական նախագծերի մշակման հնարաւորութիւններ»:

Նշենք, որ Ագարակ համայնքը առանցքային դեր ունեցած է կեդրոնի հիմնադրութեան մէջ՝ համայնքի վարչական շէնքին մէջ անվճար տրամադրելով համապատասխան տարածք մը. Այս ներդրումին նպատակը տեղական երիտասարդներու կարելիութիւնները ընդլայնելն է, ինչպէս նաեւ տրամադրութիւն տալը ոչ միայն աւելի աշխոյժ կերպով մասնակցելու համայնքային կեանքին, այլ նաեւ՝ ներդրում ունենալ տեղական եւ տարածաշրջանային ծրագրաւորման ու զարգացման գործընթացներուն մէջ:

«Այս տարրալուծարանը կը միտի բացայայտել տեղական երիտասարդներու ներուժը: Ասիկա տարածք մըն է, ուր երիտասարդները կրնան նոր հմտութիւններ ձեռք բերել, գաղափարներ փորձարկել եւ ստեղծել թուային արդիւնքներ, որոնք պիտի նպաստեն Սիւնիքի մարզի զարգացման», կ՛ըսէ Հայաստանի մօտ ԵՈՒՆԻՍԵՖի ներկայացուցիչ Քրիսթինէ Վայկանտ՝ աւելցնելով, որ անիկա նաեւ կարելիութիւն պիտի տայ երիտասարդներուն ուսումնասիրելու թուային արուեստ, գծանկարային եւ լսատեսողական նախագիծեր մշակել, ինչպէս նաեւ մասնակցիլ արհեստագիտական նախաձեռնութիւններու, սեմինարներու եւ գործնական աշխատանոցներու:

«Կրթութեանը, արդիւնաբերութեանը եւ ձեռնարկատիրութեան ոլորտները միաւորելով` լաբորատորիան (տարրալուծարանը) կ՛օգնի երիտասարդներին պատրաստուել 21րդ դարի արագ փոփոխուող պահանջներին: Ծրագրերը նախատեսուած են ամրապնդելու թուային, ինժեներական (երկրաչափական) եւ գործարար հմտութիւնները` միաժամանակ խթանելով ստեղծարարութիւնն ու նորարարութիւնը: Կենտրոնը նպատակ ունի հնարաւորութիւններ ստեղծել երիտասարդների համար` ներգրաւուելու Հայաստանի զարգացող բարձր տեխնոլոգիաների (արհեստագիտութիւններու) ոլորտում եւ մասնակցելու տարածաշրջանային զարգացման հեռանկարային հնարաւորութիւններին», կ՛ըսուի վերոնշեալ հաղորդագրութեան մէջ:

«Մեր նպատակն է արագացնել տեխնոլոգիական ոլորտի զարգացումը Սիւնիքի մարզում եւ բացայայտել դրա նորարարական ներուժը` ներդրելով յօգուտ տեղական տաղանդի դրսեւորման եւ ստեղծելով հնարաւորութիւններ, որպէսզի երիտասարդները կարողանան զարգանալ հենց այնտեղ, որտեղ ապրում են։ Երիտասարդներին ապահովելով գործնական հմտութիւններով, մենթորութեամբ (խորհրդատուութեամբ) եւ ժամանակակից տեխնոլոգիաների հասանելիութեամբ` այս լաբորատորիաները հնարաւորութիւն են տալիս նրանց ձեռք բերել արդի գիտելիքներ, զարգացնել մասնագիտական կարողութիւններ եւ ստեղծել նորարարական լուծումներ` ապրելով եւ աշխատելով իրենց սեփական համայնքներում: Այս մօտեցումը ոչ միայն նպաստում է տեղական սոցիալ (ընկերային)-տնտեսական զարգացմանը, այլեւ ամրապնդում է Հայաստանի լայնածաւալ նորարարական էկոհամակարգը (բնապահպանական համակարգը)», իր կարգին ըսաւ «Ձեռնարկութիւններու զարգացման հիմնարկ»ի տնօրէն Բագրատ Ենգիբարեան:

Բացման արարողութեան յաջորդեցին երիտասարդներու համար նախատեսուած երկու զուգահեռ աշխատանոցներ, նաեւ յատուկ ծրագիրներ ուսուցիչներուն եւ ծնողներուն համար։

Աղբիւրը` Ասպարէզ