Կազա. Իտալական Քարիդասի լիակատար զօրակցութիւնը՝ Երուսաղէմի Քարիդասին
Վազգէն Աբարդեան - Վատիկան
Իսրայէլի կառավարութիւնը յայտարարած է 37 մարդասիրական կազմակերպութիւններու, ներառեալ՝ «Caritas Jerusalem»-ի գործունէութիւնը Կազայի եւ Յորդանան գետի Արեւմտեան ափին մէջ արգիլելու որոշումը, եթէ անոնք չենթարկուին գրանցման նոր պահանջներուն: Այս որոշումը խիստ քննադատութեան արժանացած է միջազգային ընտանիքին եւ Երուսաղէմի Լատին Պատրիարքութեան կողմէ: Պատրիարքութիւնը շեշտած է, որ «Caritas Jerusalem»-ը կը գործէ Սուրբ Աթոռի եւ Իսրայէլի միջեւ ստորագրուած 1993-ի եւ 1997-ի պաշտօնական համաձայնագիրներու հիման վրայ, հետեւաբար նոր գրանցման կարիք չունի եւ պիտի շարունակէ իր առաքելութիւնը:
Իտալական Քարիդասը իր լիակատար զօրակցութիւնը յայտնած է Երուսաղէմի իր գործընկերոջ՝ անակնկալ որակելով իսրայէլեան այս քայլը: Փոխ-տնօրէն Սիլվիա Սինիպալտի հաստատած է, որ իրենց աջակցութիւնը պիտի շարունակուի թէ՛ աղօթքով եւ թէ՛ գործնական օգնութեամբ, յատկապէս առողջապահական եւ ըներային ոլորտներուն մէջ: Այսօր, երբ Կազայի մէջ կեանքի տարրական պայմանները կը պակսին, Քարիդասը կը շարունակէ կենսական ծրագիրներ իրականացնել, ինչպէս՝ մանկաբուժական շարժական դարմանատունը, որ վերածուած է Ֆրանչիսկոս Պապի նուիրած «փափամոպիլ»-էն: Այս նախաձեռնութիւնները յոյսի ջահ կը հանդիսանան պատերազմի արհաւիրքին մէջ գտնուող հազարաւոր ընտանիքներու համար:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
