Ըստ ՖԻՆԻՒԼ-ի ուժերուն. Սահմանին վրայ կացութիւնը փխրուն է, Եւ հրատապ կարիքը կայ յաւելեալ որեւէ մագլցումէն խուսափելու

ՖԻՆԻՒԼ-ի բանբեր Թիլաք Պուխարիլ յայտնեց. «2024 նոյեմբերին թշնամական արարքներու դադրեցման փոխհասկացողութենէն ի վեր ՖԻՆԻՒԼ շուրջ 7000 օդային խախտումներ եւ Լիբանանի ու Իսրայէլի միջեւ սահմանի Կապոյտ գիծի հիւսիսը աւելի քան 2400 գործողութիւններ նկատեց»:

Պուխարիլ չինական «Սինհուա» լրատու գործակալութեան յայտնեց. «Կացութիւնը փխրուն է, եւ հրատապ կարիքը կայ յաւելեալ որեւէ մագլցումէ խուսափելու»:

«Իսրայէլեան խախտումներու շարունակութիւնը կը սպառնայ ականահարել կայունութեան վերականգնման ուղղութեամբ կողմերուն արձանագրած յառաջընթացը», ըսաւ ան:

«Թշնամական արարքներու դադրեցման փոխհասկացողութենէն ի վեր Լիթանի գետին եւ Կապոյտ գիծին միջեւ ՖԻՆԻՒԼ-ի գործողութիւններու շրջանին մէջ փխրուն կայունութիւն կը տիրէ», նշեց ՖԻՆԻՒԼ-ի բանբերը:

«ՖԻՆԻՒԼ-ը ամբողջովին պատրաստ է ՄԱԿ-ի Ապահովութեան խորհուրդի թիւ 1701 որոշումի պահպանման մէջ բոլոր կողմերուն աջակցելու», ըսաւ Պուխարիլ:

«Լիբանանեան բանակը ՖԻՆԻՒԼ-ի աջակցութեամբ վերատեղակայուեցաւ հարաւային Լիբանանի սահմանային շրջանին մէջ աւելի քան 120 տեւական դիրքի վրայ», յայտնեց ան:

Ան նշեց, որ զէնք-զինամթերքի աւելի քան 350 պահեստանոցներ յայտնաբերուած են, ինչպէս նաեւ ՖԻՆԻՒԼ-ի գործողութեան շրջանին մէջ աւելի քան 280 չպայթած զինամթերք, եւ այդ բոլորը փոխանցուած են լիբանանեան բանակին:

«Մեր նստաշրջանը մինչեւ 31 դեկտեմբեր 2026 պիտի շարունակուի, որմէ ետք առաքելութիւնը պիտի սկսի աստիճանական եւ կանոնաւոր հեռացման գործողութեան գործադրութեան` լիբանանեան բանակը հարաւային Լիբանանի մէջ ապահովութեան միակ պատասխանատուն դարձնելու նպատակով», նշեց ՖԻՆԻՒԼ-ի բանբերը:

Աղբիւրը` Ազդակ