Պոսթոնի հայ կաթողիկէ համայնքի եւ հաւատքի 85 տարուայ տօնախմբութիւնը
Ռոպէր Աթթարեան - Վատիկան
Անցեալ 25 հոկտեմբեր 2025-ին, Մասաչուսեթս նահանգի Պելմոնտ քաղաքի Սուրբ Խաչ Հայ Կաթողիկէ Եկեղեցին մեծ շուքով նշեց իր հիմնադրութեան 85-ամեակը տօնական ընթրիքով և հանդիսաւոր պատարագով, զոր նախագահեց ԱՄՆ-ի և Քանատայի Նարեկի Տիրամայր Հայ Կաթողիկէ թեմի եպիսկոպոս, Արհիապատիւ Միքայէլ Եպիսկոպոս Մուրատեանը։
Իր քարոզին մէջ Գերապ. Մուրատեանը յիշեցուց, որ Սուրբ Խաչը ոչ միայն մշակոյթի, այլեւ կենդանի հաւատքի վայր է. «Ձեր այստեղ ներկայութեան էությունը Յիսուս Քրիստոսի հանդէպ հաւատքն է»։
Պելմոնտը Մասաչուսեթսի հայկական սփիւռքի հիմնական կենտրոններէն մէկն է։ Սուրբ Խաչ ծխական համայնքը հիմնադրուած է 1940 թուականին Հայր Սահակ Կոքեանի կողմէ մինչ առաջին հայկական ոճով եկեղեցին օծուած է 1997 թուականին։
Տօնախմբութիւնը տեղի ունեցաւ «Շերաթոն Պոսթոն» հիւրանոցին մէջ, դառնալով հաւատքի, մշակոյթի և համամիութենական բնոյթով յիշարժան երեկոյ, որուն մասնակցեցաւ նաեւ Պոսթոնի Աւագ Թեմի Արքեպիսկոպոս` Գերպ. Ռիչարտ Գ. Հեննինկը որ իր ելոյթին մէջ գովաբանեց հայ ժողովրդի հաւատքի վկայութիւնը և երկու եկեղեցիներու միջև ամուր համամիութենական կապերը։
Հայկական ծէսը, որ բնութագրուած է դասական հայկական երգեցողութեամբ, խունկով և ռեհանի օրհնութեամբ, ցոյց տուաւ իր հին գեղեցկութիւնը։
Երեկոյթի ընթացքին հիմնական ելոյթը ունեցաւ «Intercontinental Real Estate Corporation»-ի գործադիր տնօրէն Տիար Փիթըր Փալանճեանը, մինչ Աստուծոյ ծառայ Կարդինալ Գրիգոր Պետրոս ԺԵ. Աղաճեանեանի ներկայացումը կատարեց դոկտոր Քարա Աղաճանեանը։
Երեկոյթին վարիչն էր ՀԲԸՄ Նոր Անգլիայի շրջանի նախագահ պարոն Արա Պալիքեան մինչ տօնախմբութեան գեղարուեստական բաժինը յանձնուած էր ին «Զուլալ» եռեակին եւ Շառլ Ազնավուրին նուիրուած տիար Հայկ Պետրոսեանի՝ յատուկ ելոյթով։
Տեղւոյն ժողովրդապետ Հայր Ղազար Պետրոսեանը տարեդարձը անուանեց «ծխական համայնքի պատմութեան մէջ նոր էջ մը», որ այսօր ունի աւելի քան 400 ընտանիք։ «Ասիկա նշան է, որ հայկական հաւատքն ու արմատները կը շարունակեն ծաղկիլ Նոր Անգլիայի սրտում»։
«Նոր Անգլիայի հայ համայնքը նման է այգիի մը։ Այգի՝ բազմաթիւ ճիւղերով ու ծաղիկներով, զոր Աստուած կը ջրէ, որպէսզի անոնք աճին։ Այդ ծաղիկներէն մէկը ժողովրդապետական համայնքն է՝ Պելմոնտի Սուրբ Խաչ հայ կաթողիկէ եկեղեցին։ «Անիկայ փարոս է` հայ համայնքի համար», - ըսաւ ի միջի այլոց Ան։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
