Եկեղեցին կ՝ունենայ վեց նոր Ասուծոյ ծառայ եւ աղախիններ

Վազգէն Աբարդեան - Վատիկան

Երկուշաբթի, 23 Սուրբ Աթոռի Մամլոյ գրասենեակը հաղորդեց, թէ Լեւոն ԺԴ. Քահանայապետը, Սուրբերու դատի Վերատեսչութեան վերատեսուչ, Կարդինալ Մարչելլօ Սեմերարոյի հետ ունեցած հանդիպումի ընթացքին, արտօնեց հրապարակելու շարք մը հրամանագիրներ, որոնք կը վերաբերին նոր Աստուծոյ ծառաներու եւ աղախիններուն։

Աստուծոյ ծառայ Լուտովիքօ Ալթիէրի։ Ան ծնած է Հռոմ 17 յուլիս 1805-ին եւ մահացած է 11 օգոստոս 1867ին։ Եղած է Եպիսկոպոս եւ ծիրանաւոր Ալպանոօ Թեմի։

Հայր Էտուարտօ Ճուզեփփէ Ֆլանական (1886-1948): Իրլանտացի քահանայ, որ ԱՄՆ-ի մէջ հիմնեց նշանաւոր «Մանչերու Քաղաքը» (Boys Town)՝ յոյս եւ ապագայ պարգեւելով հազարաւոր որբ ու լքուած պատանիներու։

Հայր Անրի Քաֆարել (1903-1996): Ֆրանսացի քահանայ, որ հիմնադիրն է «Equipes Notre Dame» շարժում՝ նուիրուած քրիստոնեայ ընտանիքներու հոգեւոր վերելքին։

Քոյր Ստանիսլաւա Սամուլովսկա (1865-1950): Լեհ կրօնաւորուհի, որ իր առաքելութիւնը ծաւալեց Կուաթեմալայի մէջ՝ ծառայելով չքաւորներուն։

Քոյր Մարիա տի Պեթլեմէ Ռոմերօ Ալկարին (1916-1977): Սպանացի կրօնաւորուհի, որ յատկանշուեցաւ իր խոնարհութեամբ եւ Աստուծոյ հանդէպ բացառիկ սիրով։

Ճուզեփփէ Քասթանյեթթի (1909-1965): Իտալացի աշխարհական եւ ընտանիքի հայր, որ ապրեցաւ իր քրիստոնէական կոչումը ամենօրեայ կեանքի ու աշխատանքի մէջ՝ դառնալով տիպար հաւատացեալ։