Ֆրանչիսկոս Պապի մահուան առաջին տարելիցին առիթով կը ներկայացուի «Ֆրանչիսկոսի Արժանթինը» վերտառութեամբ վաւերագրական ֆիլմը

Ռոպէր Աթթարեան - Վատիկան

Իտալիոյ Ասդի քաղաքին մէջ յառաջիկայ 8 ապրիլին ժամը 18:30-ին Ալֆիերի թատերասրահին մէջ պիտի ներկայացուի «Ֆրանչիսկոսի Արժանթինը» վաւերագրական ֆիլմը, որ պատրաստուած է Էուճենիօ Պոնանաթայի կողմէ՝ համագործակցութեամբ Telepace-ի և Վատիկան Նիուզի։

Այս նախաձեռնութիւնը, որ կազմակերպուած է թեմի և քաղաքի կողմէ, նպատակ ունի յիշել Ֆրանչիսկոս Պապը անոր մահուընէ մէկ տարի ետքը։

Ֆիլմը կը պատմէ Եորկէ Մարիօ Պերկոլիոյի կեանքը Պուենըս Այրեսի մէջ, ուղիղ վկայութիւններու միջոցաւ, առանց գեղարուեստական պատմողի ձայնի, Ֆլորես և Ալմաքրօ թաղամասերէն մինչև աղքատ համայնքներ՝ «Վիլաս»-ներէն մինչև եկեղեցիներ ու ուսումնական հաստատութիւններ, ուր ան դասաւանդած է։

Պարզ կ՛ երևին անոր անձին բնոյթը ու հովուական գործունութիւնը, խոնարհութիւնը, միջկրօնային երկխօսութիւնը և աղքատներու նկատմամբ ուշադրութիւնը։

Միջոցառման բացումը պիտի կատարէ թեմի եպիսկոպոս Գերապ. Մարքօ Փրասթարօն և քաղաքապետ Մաուրիցիօ Ռազերոն, ինչպէս նաև Վատիկանի Հաղորդակցութեան Վերատեսչութեան Վերատեսուչը Տիար Փաոլօ ՌուֆՖինին հերակապ ելոյթով։

Ասդի քաղաքէն ետքը կը նախատեսուին այլ խորհրդանշական ցուցադրութիւններ՝ Լամփետուզայի և Հռոմի Ռեճինա Չելի բանտին մէջ։