Սուրբ Յովհաննէս Հենրի Նիւմանը ընդգրկուեցաւ Հռոմէական օրացոյցին մէջ․ տօնը՝ հոկտեմբեր 9-ին

Վատիկան Նիուզ - Հայկական Բաժանմունք

Սուրբ Յովհաննէս Հենրի Նիւմանը, որուն սրբադասումը կատարուած էր 2019-ին եւ 2025-ի նոյեմբեր 1-ին Լեւոն ԺԴ Պապին կողմէ հռչակուեցաւ Եկեղեցւոյ Վարդապետ, ընդգրկուած է Հռոմէական Ընդհանուր Օրացոյցին մէջ։

Աստուածային Պաշտամունքի Վերատեսչութեան հրամանագիրով սահմանուած է անոր կամընտրական յիշատակի տօնը՝ հոկտեմբեր 9-ին, որ անոր կաթողիկէ հաւատքին դարձի օրն է՝ 1845 թուականին։

Նիւմանը, եղած է անկլիքան հովիւ մը, որ դարձաւ կաթողիկէ քահանայ եւ ապա կարդինալ։ Ան ճանչցուած է որպէս մեծ աստուածաբան, դաստիարակ եւ ճշմարտութեան որոնման վկայ։

Սրբազան Հայրը զայն հռչակած է նաեւ կրթական աշխարհի համապահապան սուրբ, Սուրբ Թովմաս Աքուինացիի հետ միասին։ Սուրբ Պատարագի եւ Ժամերգութեան համար նախատեսուած պաշտամունքային տեքստերը պիտի ընդգրկուին Եկեղեցւոյ պաշտօնական գիրքերուն մէջ։