Կարդինալ Փիեթրօ Փարոլինի այցելութիւնը Մալթա

Վատիկան Նիուզ – Հայկական բաժանմունք

31 Յունուարէն մէկ Փետրուար Սուրբ Աթոռի Պետական Քարտուղար Կարդինալ Փիեթրօ Փարոլինի այցելութեամբ մեկնած է Մալթա՝ Մալթայի եւ Սուրբ Աթոռի միջեւ դիւանագիտական յարաբերութիւններու 60-ամեակի տօնակատարութիւններուն առիթով։

Ծրագիրին մէջ ընդգրկուած են հանդիպումներ Մալթայի նախագահ Սփիթըրի Տըպոնոյի եւ երկրի Եպիսկոպոսական համահաւաք դասին հետ։

Շաբաթ 31 Յունուարի երեկոյեան Պետական Քարտուղարը գլխաւոր զեկուցողը կը հանդիսանայ է Ֆլորիանայի Արքեպիսկոպոսութեան մէջ տեղի ունեցող` դիւանագիտական յարաբերութիւններու 60-ամեակին նուիրուած յուշարար արարողութեան։

Իսկ Կիրակի մէկ փետրուարին, Սուրբ Պօղոսի նաւաբեկութեան տօնին օրը, Ան առաւօտեան ժամը 9։30-ին, Մալթայի եւ Սուրբ Աթոռի միջեւ դիւանագիտական յարաբերութիւններու 60-ամեակին շրջանակէն ներս, անգլերէն լեզուով Պատարագ կը մատուցէ Վալլեթայի Սուրբ Յովհաննէս Համա-աթոռանիստ Եկեղեցւոյ մէջ։ Պատարագին կը մասնակցին Մալթայի եւ Կոզոյի եպիսկոպոսները, Մալթայի մէջ առաքելական նուիրակը կղերական դասը եւ վաստակաւոր եպիսկոպոսները։