Գերապ. Կալլակեր Սլովաքիա կը գտնուի՝ Սուրբ Աթոռի հետ Հիմնական Համաձայնագրի 25-ամեակին առիթով

Վազգէն Աբարդեան - Վատիկան

Յունուար 30-էն սկսեալ, Պետութիւններու եւ Միջազգային Կազմակերպութիւններու հետ յարաբերութեանց քարտուղար՝ արքեպիսկոպոս Փոլ Ռիչարտ Կալակեր կը գտնուի Սլովաքիա՝ նշելու համար Սուրբ Աթոռի եւ Սլովաքիոյ Հանրապետութեան միջեւ Հիմնական Համաձայնագիրի 25-ամեակը։ Այցելութիւնը պիտի տեւէ մինչեւ կիրակի՝ փետրուար 1։

Ինչպէս կը տեղեկացնէ Պետական Քարտուղարութեան «X»-ի հաշիւը, այսօրուան յայտագիրը կը նախատեսէ հանդիպում Արտաքին գործոց նախարար Եուրայ Պլանարի հետ եւ քաղաքավարական այցելութիւն Հանրապետութեան նախագահ Փետեր Փելլեկրինիին։ Օրուան ժամադրութիւնները պիտի փակուին Պապական Նուիրակութեան մէջ դիւանագիտական մարմինին հետ հանդիպումով։

Վաղը՝ Յունուար 31-ին, Արք Կալլակեր պիտի մասնակցի Հիմնական Համաձայնագրի նուիրուած գիտաժողովին՝ Քոմենիուս համալսարանին մէջ, որմէ ետք պիտի այցելէ Նիթրա քաղաքը։ Իսկ Կիրակի օրը պիտի մատուցուի հանդիսաւոր Սուրբ Պատարագ՝ Պրաթիսլաւայի Սուրբ Մարթինոս մայր տաճարին մէջ։