Եկեղեցին կ՛ունենայ 12 նոր երանելիներ՝ 11 սպանացի նահատակներ և մէկ արժանթինցի աշխարհական մը

Ռոպէր Աթթարեան – Վատիկան

Այսօր՝ դեկտեմբեր 18-ին, Սուրբերու Դատի Վերատեսչութեան Վերատեսուչ կարդինալ Մարչելլօ Սեմերարոյի հետ հանդիպման ժամանակ Լեւոն ԺԴ Պապը լիազօրեց հրապարակել 12 նոր երանելիներու հայող հրամանագրերը, որոնց շարքին 1930-ականներու Սպանիայի քաղաքացիական պատերազմի ժամանակ նահատակուած 11-ը՝ 9 ճեմարանական, մէկ թեմական քահանայ և մէկ աշխարհական, ինչպէս նաև տարբեր եկեղեցական աշխատանքներով զբաղուող ձեռնարկատէր ընտանիքի հայր արժանթինցի Էնրիքէ Էռնեսթօ Շոուը, որ մահացած է 1962 թուականին։ Քահանայապետը ապա երանաշնորհ հռչակեց 2 իտալացիներ՝ վանական Պերարտօ Աթոննա և քոյր Տոմենիքա Քաթարինա Տելլօ Սփիրիթօ Սանթօ ինչպէս նաեւ հնդիկ քահանայ Ժոզեֆ Փանջիքարանը, անոնց  հերոսական առաքինութիւններուն համար։

Նոր երանելիները

11 իսպանացի նահատակները (9 ճեմարանական, 1 քահանայ և 1 աշխարհական), սպաննուած են 1936-1937 թուականներուն Սպանիայի քաղաքացիական պատերազմի ժամանակ՝ հաւատքի նկատմամբ ատելութեան բերումով։ Բոլորն ալ ցուցաբերած են նահատակուելու գիտակցուած պատրաստակամութիւն և իրենց հաւատքը ապրած են մինչև իրենց կեանքը զոհաբերելը։

Արժանթինցի աշխարհական Էնրիքէ Էռնեսթօ Շոուը (1921–1961), ձեռնարկատէր և ինը երեխաներու հայր, նուիրուած էր աշխատավայրերուն մէջ Եկեղեցւոյ ընկերային ուսմունքի կիրառման եւ գործնականօրէն կը մասնակցէր կաթողիկէ Եկեղեցւոյ գործողութիւններուն։ Անոր սրբադասման գործընթացքը կարելի դարձած է իր միջնորդութեան վերագրուող հրաշքի մը հետեւանքով որ պատահեցաւ՝ 2015 թուականին ծանր վիրաւորուած երեխայի անբացատրելի բուժման ճանաչումին շնորհիւ։

Նոր երանաշնորհները

Եղբայր Պերարտօ Անթոննա (Իտալիա), եղած էֆրանչիսկեան միաբան, միսիոներ և հոգևոր առաջնորդ, յայտնի իր աղօթքի, աղքատութեան, բարեգործութեան և աստուածային ողորմածութեան հանդէպ վստահութեան կենցաղով։

Քոյր Տոմենիքա Քաթարինա Տելլօ Սփիրիթօ Սանթօն (Իտալիա), եղած է կարիքաւոր երիտասարդներու համար բարեգործական կազմակերպութեան հիմնադիրը, ներշնչուած պարզ հաւատքով, խոր Մարեմական ջերմեռանդութեամբ և ամենախոցելիներու նկատմամբ հոգատարութեամբ։

Իսկ Ժոզեֆ Փանջիքարանը, ասորի-մալապարեան քահանայ, նուիրուած է եղած է աղքատներուն և բացառուածներուն, հիւանդանոցի և կրօնական ժողովի հիմնադիր՝ կարիքաւորներու անվճար խնամքի համար։