Լեւոն ԺԴ Նոյեմբերին առաքելական ճամբորդութիւն պիտի կատարէ Ուրուկուէյ, Արժանթին եւ Փերու

Վազգէն Աբարդեան - Վատիկան

Չորեքշաբթի, 5 օգոստոսին, Սուրբ Աթոռի Մամլոյ գրասենեակի տնօրէն, Մաթէօ Պրունի հրապարակելով հաղորդագրութիւն մը տեղեկացուց, որ Լեւոն ԺԴ. Քահանայապետը , ընդառաջելով համապատասխան երկիրներու պետական եւ եկեղեցական բարձրագոյն իշխանութիւններու հրաւէրին, 6-17 Նոյեմբեր 2026-ին առաքելական ճամբորդութիւն մը պիտի կատարէ դէպի Ուրուկուէյ, Արժանթին եւ Փերու։

Ըստ հաղորդագրութեան, Սրբազան Քահանայապետին այցելութեան յայտագիրը պիտի ընթանայ հետեւեալ ժամանակացոյցով.

Ուրուկուէյ (6-8 Նոյեմբեր)՝ Մոնթեվիտէօ, Փայսանտու եւ Ֆլորիտա

Արժանթին (8-11 Նոյեմբեր)՝ Պուէնոս Այրես, Քորտոպա եւ Լուխան

Փերու (11-17 Նոյեմբեր)՝ Լիմա, Չիքլայօ, Քուսքօ եւ Փուքալփա։

Ճամբորդութեան մանրամասն ու պաշտօնական յայտագիրը պիտի հրապարակուի յառաջիկային։