Սրբազան Պապը ընդունեց Լիտվայի վարչապետը
Վատիկան Նիուզ - Հայկական Բաժանմունք
Այսօր` 7 մարտի առաւօտեան Լեւոն ԺԴ. Պապը Վատիկանի Առաքելական պալատին մէջ ընդունեց Լիտվայի Հանրապետութեան վարչապետ Ինկա Ռուճինյենէն, որ այնուհետև հանդիպեցաւ Գերապայծառ Փոլ Ռիչըրտ Կալլակերին հետ՝ Պետութիւններու և միջազգային կազմակերպութիւններու հետ յարաբերութիւններու քարտուղարի։
Քննարկումներ Պետական Քարտուղարութեան մէջ
«Պետական քարտուղարութեան մէջ ջերմ քննարկումներու ընթացքին, - կը յայտնէ Սուրբ Աթոռի մամլոյ գրասենեակը - ընդգծուեցան Սուրբ Աթոռի և Լիտվայի միջև առկայ լաւ յարաբերութիւններու գոհունակութիւնը՝ նկատի ունենալով կաթողիկէ եկեղեցւոյ դրական աւանդը մարդու արժանապատուութեան և հասարակութեան ընդհանուր բարօրութեան գործին մէջ»:
«Այնուհետև քննարկուեցան շարք մը միջազգային բնոյթ ունեցող հարցեր, յատկապէս Ուքրանիայի և Միջին Արևելքի մէջ առկայ հակամարտութիւնները, յոյս յայտնելով, որ ամէն մակարդակով քայլեր ձեռնարկուին` դիւանագիտական լուծումներ գտնելու և պատերազմը դադարեցնելու համար»:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
