Պոսնիա Հերցեկովինայի համատեղ նախագահութեան անդամները Լեւոն ԺԴ.ի մօտ
Ռոպէր Աթթարեան - Վատիկան
«Լեւոն ԺԴ. Սրբազան Պապը այսօր երկուշաբթի ինը Մարտին, ընդունեց Պոսնիա և Հերցեկովինայի համատեղ նախագահութեան անդամները, որուն մաս կը կազմէյին գործող նախագահ տիար Ժելքօ Կոմշիչը, տիար Դենիս Պեչիրովիչը և տիկին Ժելկա Ցվիյանովիչը։ Այնուհետև անոնց հանդիպեցան Պետութիւններու և Միջազգային Կազմակերպութիւններու հետ յարաբերութիւններու քարտուղար Գերապ. Փոլ Ռիչըրտ Կալլակերի հետ»։
Լուրը կը հաղորդէ Սուրբ Աթոռի մամլոյ գրասենեակը նշելով նաեւ թէ «Պետական քարտուղարութեան մէջ տեղի ունեցած ջերմ քննարկումներու ընթացքին գնահատանք է յայտնուեցաւ երկկողմ լաւ յարաբերութիւններուն համար։ Յատուկ ուշադրութիւն է դարձուեցաւ ներառական և կառուցողական երկխօսութեան անհրաժեշտութեան՝ երկրի կայունութիւնն ու բոլոր ժողովուրդներու իրաւական և սոցիալական հաւասարարութիւնն ապահովելու համար»։
Վերջապէս, քննարկուեցաւ շարք մը տարածաշրջանային և միջազգային հարցեր, ինչպիսիք են խաղաղութիւնն ու անվտանգութիւնը Արևմտեան Պալքաններու մէջ և Ուքրանիայի ու Մերձաւոր Արևելքի մէջ շարունակուող հակամարտութիւններու հետևանքները։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
