Լատին Ամերիկայի երկիրներու և Մեքսիքայի մէջ բնակող հայ կաթողիկէ հաւատացեալներու Առաքելական Կառավարիչներու անուանումներ
Վատիկան Նիուզ - Հայկական Բաժին
Լեւոն ԺԴ. Սրբազան Պապը ընդունեց Գերապայծառ Վարդան Վալտիր Պօղոսեանի հրաժարականը` որպէս Պուէնըս Այրեսի «Սուրբ Գրիգոր Նարեկացի» Հայ Կաթողիկէ Թեմի՝ Թափուր Աթոռի Առաքելական Կառավարիչ, եւ նոյն շրջանի Առաքելական Կառավարիչ նշանակեց Գերապայծառ Եորկէ Կարսիա Քուէրվան` Պուէնըս Այրէսի Մետրոպոլիտ Արքեպիսկոպոս եւ Արժանթինի մէջ բնակող, իրենց ինքնավար եկեղեցւոյ համար եպիսկոպոս չունեցող արևելեան հաւատացեալներու առաջնորդ։
Նորին Սրբութիւնը ապա ընդունելով Գերապայծառ Վարդան Վալտիր Պօղոսեանի Լատին Ամերիկայի երկիրներու եւ Մեքսիքայի մէջ բնակող հայ ծէսի հաւատացեալներու Առաքելական Կառավարաիչի պաշտօնէն հրաժարականի դիմումը, անոր տեղ Ուրուկուէյի համար Թափուր Աթոռի Առաքելական Կառավարիչ նշանակեց Մոնթեվիտէոյի Մետրոպոլիտ Արքեպիսկոպոս` Կարդինալ Տանիել Ֆերնանտօ Սթուրլա Պէրհուէն, Մինչ Պրազիլի հայ կաթողիկէներու Առաքելական կառավարիչ նշանակեց` Սան Փաոլոյի Մետրոպոլիտ Արքեպիսկոպոս` Կարդինալ Օտիլօ Շերեր։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
