Լեւոն ԺԴ. Պապը ընդունեց Պոսնիա եւ Հերցեկովինայի Վարչապետը.
Վազգէն Աբարդեան - Վատիկան
Հինգշաբթի, 26 մարտ 2026-ին, Սուրբ Աթոռի Մամլոյ Գրասենեակը հրապարակելով հաղորդագրութիւն մը, տեղեկացուց, որ Լեւոն ԺԴ. Պապը Վատիկանի մէջ ընդունեց Պոսնիա եւ Հերցեկովինայի Վարչապետ, Վսեմաշուք Տիկին Պորեանա Քրիշթոն:
Վարչապետը այնուհետեւ հանդիպում մը ունեցաւ Պետութիւններու եւ Միջազգային Կազմակերպութիւններու հետ Յարաբերութեանց Քարտուղար՝ Գերապայծառ Փոլ Ռիչըրտ Կալակեէրի հետ:
Եկեղեցի-Պետութիւն Համագործակցութիւն
Պետական Քարտուղարութեան մէջ տեղի ունեցած ջերմ խօսակցութիւններուն ընթացքին երկուստեք գոհունակութեամբ արտայատուեցան երկկողմանի բարեացակամ յարաբերութիւններուն համար: Յատուկ անդրադարձ կատարուեցաւ տեղական Եկեղեցւոյ կարեւոր ներդրումին՝ երկրի հասարակական կեանքին մէջ: Քննարկուեցան նաեւ Կաթողիկէ համայնքի կացութիւնը՝ դերն ու ներկայութիւնը երկրէն ներս:
Եւրոպական Հեռանկարներ
Հանդիպման աւարտին կողմերը կարծիքներ փոխանակեցին Եւրոպական Միութեան ընդլայնման շուրջ՝ յատկապէս անդրադառնալով Արեւմտեան Պալքանեան երկիրներու անդամակցութեան հոլովոյթին: Սուրբ Աթոռը վերահաստատեց իր զօրակցութիւնը տարածաշրջանի խաղաղութեան եւ միասնականութեան ուղղուած քայլերուն:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
