Լեւոն ԺԴ. Պապը ընդունեց Ալպանիոյ վարչապետը
Վազգէն Աբարդեան - Վատիկան
Սուրբ Աթոռի մամլոյ գրասենեակը տեղեկացուց, որ այսռր հինգշաբթի, 5 փետրուարին, Լեւոն ԺԴ. Սրբազան Պապը Վատիկանի մէջ ընդունեց Ալպանիոյ Հանրապետութեան վարչապետ Տիար Էտի Ռաման:
Պաշտօնական այցելութեան ծիրէն ներս, վարչապետ Ռաման հանդիպում մը ունեցաւ նաեւ Սուրբ Աթոռի Պետական Քարտուղար՝ Կարդինալ Փիեթրօ Փարոլինի եւ Միջազգային Յարաբերութիւններու քարտուղար՝ Գերապայծառ Փոլ Ռիչարտ Կալակէրի հետ:
Հանդիպման գլխաւոր կէտերը.
Կողմերը վերահաստատած են Սուրբ Աթոռի եւ Ալպանիոյ միջեւ առկայ սերտ ու բարեկամական կապերը՝ անդրադառնալով եկեղեցական եւ քաղաքացիական համայնքներու միջեւ գործակցութեան:
Յատուկ ուշադրութեան արժանացած է Արեւմտեան Պալքաններու կացութիւնը եւ շրջանային կայունութեան հեռանկարները:
Զրոյցի ընթացքին կարեւորուած է Ալպանիոյ որդեգրած քաղաքականութիւնը՝ Եւրոպական Միութեան լիիրաւ անդամակցութեան ուղղութեամբ:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
