Լեւոն ԺԴ. Պապին Պատգամը ACERAC-ի 13-րդ լիագումար նիստի մասնակիցներուն

Վազգէն Աբարդեան - Վատիկան

Հինգշաբթի, 29 յունուարին, Վատիկանի Պետական Քարտուղար, Կարդինալ Փիեթրօ Փարոլինի միջոցաւ, Լեւոն ԺԴ. Քահանայապետը ողջոյնի յատուկ պատգամ մը յղեց Կեդրոնական Ափրիէյի Եպիսկոպոսաց համահաւաք դասի ընկերկացութեան (ACERAC) 13-րդ լիագումար նիստի մասնակիցներուն: Պատգամին մէջ Նորին Սրբութիւնը շեշտեց Ափրիկէի Եկեղեցւոյ կենսական դերը՝ որպէս «Աստուծոյ Ընտանիք», որ կոչուած է դիմագրաւելու տարածաշրջանի բարդ մարտահրաւէրները:

«Ecclesia in Africa». 31 տարի ետք

Լեւոն ԺԴ. Պապե յիշեցուց Սուրբ Յովհաննէս Պօղոս Բ. Պապի հրատարակած «Ecclesia in Africa» պատմական յորդորագիրին 31-ամեակը նշելով, որ անոր պատգամը այսօր աւելի քան երբեք այժմէական է ու բարձր գնահատեց ափրիկեան Եկեղեցւոյ ուժականութիւնը եւ հովիւներուն անձնուէր ծառայութիւնը՝ ի նպաստ հաւատքի, յոյսի եւ սիրոյ աճումին

Հաւատքի մշակութայնացում եւ Հաշտութիւն

Կարդինալ Փիեթրօ Փարոլինի միջոցաւ, Լեւոն ԺԴ. Քահանայապետի պատգամի մէջ առանձնացուեցան քանի մը առաջնահերթութիւններ. Մշակութայնացում. Հաւատքը պէտք է արմատաւորուի տեղական մշակոյթներուն մէջ՝ զանոնք ներսէն պտղաբերելով Աւետարանի լոյսով: Պայքար ցեղապաշտութեան դէմ. Ի դէմ տարածաշրջանը յուզող ցեղային բախումներուն եւ պատերազմներուն, Եկեղեցին պէտք է ըլլայ հաշտութեան կամուրջ՝ բացառելով ամէն տեսակի ազգայնամոլութիւն: ԸՆկերային արդարութիւն. Լեւոն ԺԴ. յորդորեց հոգւեոր հովիւները ըլլալ մօտիկ տառապողներուն, յատկապէս գաղթականներուն եւ երիտասարդներուն, որոնք աւելի լաւ ապագայի փնտռտուքով իրենց կեանքը վտանգի կ'ենթարկեն:

Սինոդական ուղի

Լեւոն ԺԴ. Պապը շեշտեց, որ եպիսկոպոսներու պարբերական հանդիպումները կը զօրացնեն եղբայրական համագործակցութիւնը, ինչ որ անհրաժեշտ է քաղաքացիական իշխանութիւններու հետ երկխօսելու, խաղաղութիւնը խթանելու եւ բնութիւնը պահպանելու համար:

Կարդինալ Փարոլին պատգամը աւարտեց Լեւոն ԺԴ. Պապին առաքելական օրհնութեամբ, զոր Ան շնորհեց Կեդրոնական Ափրիկէյի ողջ ժողովուրդին՝ աշխատանքներու յաջողութիւնը վստահելով Սուրբ Կոյս Մարիամի հովանիին: