Ասսիզին ունեցաւ նոր Եպիսկոպոս` Գերպ. Ֆելիչէ Աքրոքքա

Ռոպէր Աթթարեան – Վատիկան

Լեւոն ԺԴ. Պապը ընդունելով Գերապ. Տոմենիքօ Սորրենթինօ եպիսկոպոսին ներկայացուցած Ասսիզի-Նոչերա Ումպրա-Կուալտօ Դատինօ և Ֆոլինիօ թեմերու հովուական խնամքէն հրաժարականը, անոր տեղ նշանակեց Պենեվենթօ Թեմին Արքեպիսկոպոսը` Գերապայծառ Ֆելիչէ Աքրոքքան, որուն թոյլ տուաւ պահպանել իր Արքեպիսկոպոսի տիտղոսը։

Գերապ. Արքոքքան` ծնած է 2 դեկտեմբեր 1959-ին, Քորի քաղաքին մէջ։ Աստւածաբանական ուսմունքը աւարտած է Անանյիի Լեւոնեան Քահանայապետական Վարժարանին մէջ ապա Հռոմի Լա Սափիենցա Համալսարանին մէջ տիրացած է «Գրականութեան» վկայականին հուսկ Հռոմի Գրիգորեան Քահանայապետական համալսարանին մէջ ձեռք բերած է Եկեղեցական պատմութեան դոկտորի աստիճանը։

Քահանայ ձեռնադրուած է 12 Յուլիս 1986-ին անդամակցելով Լաթինա-Թերրաչինա-Սեցէ-Փրիվերնօ թեմին ուր ստանձնած է տարբեր պաշտօններ։ Ան եղած է նաեւ Գրիգորեան Քահանայապետական համալսրանի միջնադարեան եկեղեցւոյ պատմութեան դասատու։ Պենեվենթօ Թեմին Եպիսկոպոս նշանակուած է 18 Փետրուար 2016-ին եւ եպիսկոպոսական օծումը ընդունած է նոյն տարուայ 15 Մայիսին։