Լեւոն ԺԴ. Փոմփէյը՝ խաղաղութեան ամրոց, զոր կ՛արժէ պաշտպանել

Ռոպէր Աթթարեան - Վատիկան

Փոմփէյի Սուրբ Վարդարանի Սրբապատկերի ժամանման 150-ամեակի տօնակատարութիւններուն առիթով Լեւոն ԺԴ.  որպէս իր  Պատուիրակ նշանակեց  Կարդինալ Փիեթրօ Փարոլինը եւ անոր ուղղած Լատիներէն նամակին մէջ Ան հրաւիրեց վերագտնել «Վարդարանի քրիստոսաբանական և խորհրդածական հոգին՝ հետևելով Սուրբ Պարթոլօ Լոնկոյի օրինակին, որ սրբադասուեցաւ անցեալ 19 հոկտեմբերին։

Քահանայապետը յիշեց` թէ ինչպէս 1875 թուականի նոյեմբերի 13-էն ի վեր հին «Valle dissolata»-ն Պարթոլօ Լոնկոյի աշխատանքի շնորհիւ վերածուած է հաւատքի և բարեգործութեան կեդրոնի, որ այսօր խաղաղութեան և սոցիալական ներդաշնակութեան խորհրդանիշ է։ Պարթոլո Լոնկոն արդարեւ այն անձն է որ հիմնեց Փոմփէյի սրբավայրը եւ անո շնորհիւ է որ  «Փոմփէյի հովիտի տաճարը, դարձած է այն խաղաղութեան ամրոցը, որ պէտք է անընդհատ վաստակել և պաշտպանել» գրեց Նորին Սրբութիւնը։ 

Համապատասխանելով Գերապայծառ Թոմմազօ Քափութոյի խնդրանքին՝ Լեւոն ԺԴ. Պապը կարդինալ Փարոլինը նշանակեց` որպէս Պապական Պատուիրակ գլխաւորելու համար` 13 նոյեմբերի տօնակատարութիւնները եւ իր պատգամին մէջ կոչ ըրաւ հաւատացեալներուն, ապրելու Վարդարանը ոչ միայն որպէս աղօթք, այլեւ որպէս սիրոյ, խաղաղութեան և զօրակցութեան նկատմամբ գործնական նուիրում՝ «մարդկութեան բարերար» Սուրբ Պարթոլօ Լոնկոյի հետքերով և հետեւելով «Վարդարանի Քահանայապետ» Լևոն ԺԳ-ի խրախուսանքին ։