Լեւոն ԺԴ. Կրօնաւորներուն ներկայութիւնը միշտ եղած է կարեւոր եւ նախախնամական
Վազգէն Աբարդեան - Վատիկան
Ուրբաթ, 7 նոյեմբերին, Լեւոն ԺԴ. Պապը պատգամ մը ուղղեց Իտալական Աւագ մեծաւորներուն դասի 65-րդ ընդհանուր ժողովի մասնակիցներուն, գնահատելով ժողովի ընտրուած նիւթը. «Յոյսը կառավարել. Նահանգներուն կառավարման ոճերը ու ձեւերը, ընկերային եկեղեցւոյ մէջ»։
Կրօնաւորներուն Կարեւոր Ներկայութիւնը
Պատգամին մէջ Քահանայապետը նշեց, որ Եկեղեցին կ՚ապրի բարդ «շնորհքի ժամանակ» մը, վստահութեամբ դիմագրաւելով ժամանակներու մարտահրաւէրները։ Կրօնաւորներուն ներկայութիւնը միշտ եղած է կարեւոր եւ նախախնամական, որպէս «խմոր, մարգարէութիւն եւ ուժ» Աստուծոյ Բոլոր Ժողովուրդին համար ու Ընտրուած նիւթը կը հաստատէ անոնց հաւատարմութիւնը այդ դերին, մասնաւորապէս «ընկերային դարձի» ճանապարհին շրջանակէն ներս։
Անդրադառնալով Սինոդի փաստաթուղթին, Նորին Սրբութիւնը նշեց, որ այդ Վերջնական Փաստաթուղթը ճանչցած է, որ կրօնական ընտանիքները «փորձարկուած ընկերային կեանքի եւ համայնքային հայեցողութեան գործելակերպեր զարգացուցած են»։
«Սինոդականութիւնը Եկեղեցւոյ կեանքին ներհատուկ է, փաստօրէն առաւել եւս բնորոշ է ձեր կոչումին, եւ այս կը դարձնէ ձեզ յատկապէս յարմար՝ նպաստելու աշխարհի չորս կողմը այս ուղղութեամբ կատարուող ջանքերուն»։
Քահանայապետը ապա նշեց երեք վերաբերմունք, որոնք քաղուած են Սինոդի վերջնական փաստաթուղթէն, որպէս արդիւնաւէտ կառավարութեան ուղեցոյցները, Եկեղեցական հայեցողութիւնը, Որոշումներու գործընթացներուն խնամքը, Սեփական գործունէութեան հաշիւ տալու եւ անոր արդիւնքները գնահատելու պարտաւորութիւնը։ «Այս գործընթացները փոխկապակցուած են եւ կը պաշտպանեն զիրար», ըսաւ Սրբազան Հայրը ընդգծելով, որ Հաւատարմութիւնը Եկեղեցին կ՚առաջնորդէ եղբայրներուն ներգրաւումը, սնուցելով համապատասխանատուութիւնը եւ ապահովելով թափանցիկութիւնը։
Քահանայապետը պատգամը եզրակացուց՝ շնորհակալութիւն յայտնելով ներկաներուն անոնց դժուարին պարտականութեան մէջ հաւատարմութեան համար եւ հաւաստիացնելով իր աղօթքն ու սրտի օրհնութիւնը։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
