Լեհ ձիաբոյծի մը նուէրը Լեւոն ԺԴ. Պապին

Վատիկան Նիուզ - Հայկական Բաժանմունք

Քոլոպրժէք-Պուտժիիստովի Միքալսքի կենտրոնի ձիաբուծարանի սեփականատէր և հիմնադիր Andrzej Michalski Լեւոն ԺԴ Պապին նուիրեց Փրոթոն անունով սպիտակ արաբական մաքրարիւն ձի մը։

Նուէրը Քահանայապետին յանձնուեցաւ այսօր` չորեքշաբթի 15 հոկտեմբերի առաւօտեան, նախ քան Նորին Սրբութիւնը Սուրբ Պետրոս հրապարակին վրայ հրապարակային ընդհանուր ունկնդրութիւնը գլխաւորելը։

Նուէրին գաղափարը ներշնչուած է նկարէ մը, ուր Լեւոն ԺԴ. պատկերացուած է ձիի մը վրայ մինչ որպէս միսիոնար կը ծառայէր Փերույի մէջ։

Քոլոպրժէք-Պուտժիիստովի Միքալսքի կենտրոնին մէջ բուծուած Փրոթոն անունով ձին ուրախութեամբ ընդունուեցաւ Սրբազան Պապին հետ հանդիպման ժամանակ: Միխալսքին երախտագիտութիւն յայտնեց և արձագանքեց Պապի կոչին՝ սէր ցուցաբերելու գործնական ժեստերով:

Ձիաբուծարանը ոչ միայն հոգ կը տանի ձիերուն, այլ հիպոթերապիա կ՛առաջարկէ շարժողական խնդիրներ ունեցող մանուկներուն, եւ կը կազմակերպէ ձիամարզանքի մրցումներ: Նախաձեռնութիւնը կ՛ արտացոլայ Եկեղեցւոյ և ժամանակակից աշխարհին իմաստալից գործողութիւններով աջակցելու ցանկութիւնը:

Կային արդեն սպիտակ շարժանիւ մը և էլեկտրական մեքենայ։ Այժմ Քահանայապետը ստացաւ նաեւ սպիտակ ձիի մը է նուէրը։