14 հոկտեմբերին Լեւոն Պապը կ՛այցելէ Քուիրինալէյի պալատը

Ռոպէր Աթթարեան - Վատիկան

«Երեքշաբթի, 14 հոկտեմբերին, Լևոն ԺԴ. Քահանայապետը պաշտօնական այցով կը մեկնի Քուիրինալէյի պալատ՝ հանդիպելու համար Իտալիայի Հանրապետութեան նախագահ՝ Նորին Գերազանցութիւն Տիար Սերճօ Մաթարելլայի հետ» լուրը կը հաղորդէ Սուրբ Աթոռի Մամլոյ գրասենեակը։

Արդարեւ անցեալ վեց Յունիսին Նախագահ Մաթթարելլային Վատիկանի մէջ շնորհած ունկնդրութենէն ետքը Լեւոն ԺԴ. եւ Իտալիոյ նախագահը իրարու պիտի հանդիպին Քուիրինալէյի մէջ եւ այս պիտի ըլլայ անոնց երրորդ հանդիպումը անցեալ 18 Մյաիսին եւս անոնց միջեւ տեղի ունեցած հանդիպումէն ետքը, Լեւոն ԺԴ. Քահանայապետութեան սկիզբի պատարագին առիթով։

Վերջին անգամ որ Քահանայապետ մը այցելած էր Քուիրինալէն եղած էր Ֆրանչիսկոս Պապը Յունիս 2017-ին Մաթթարելլայի նախագահ երկրորդ ընտրութեան առիթով։ Իսկ առաջին Քահանայապետը որ այցելած էր Քուիրինալէն որ ժամանակին եղած է Քահանայապետերու նստավայրը, եղած է Պիոս ԺԲ. Քահանայապետը 28 դեկտեմբեր 1939-ին։