«Մանուկներու համաշխարհային Օրուայ» Քահանայապետական յանձնախումբը պիտի գործէ Աշխարհականներու, Ընտանիքի եւ Կեանքի վերատեսչութեան ներքոյ

Ռոպէր Աթթարեան - Վատիկան

Լեւոն ԺԴ. Սրբազան Պապը Պետական քարտուղարութեան ընդհանուր գործերու տեղակալ Գերապ. Էտկար Փենիա Փառային շնորհած ունկնդրութեան ընթացքին 6 ոգոստոս 2025-ին, որոշեց «Մանուկներու համաշխարհային Օրուայ» Քահանայապետական յանձնախումբը ներառել Աշխարհականներու, Ընտանիքի եւ Կեանքի վերատեսչութեան ներքոյ։

Յայտնենք որ վերոնշեալ յանձնախումբը ստեղծուած էր երջանկայիշատակ Ֆրանչիսկոս Պապը 2024-ի 20 նոյեմբերին հրատարակած ինքնագիր նամակով որուն յանձնած էր պարտականութիւնը «Մանուկներու Համաշխարհային Օրուան» հովուական կազմակերպութեան խնամքը։ Առաջին օրը նշուեցաւ 25 մայիս 2024 թուականին Հռոմի Օլիմփիքօ մարզադաշտին մէջ, ի ներկայութեան Ֆրանչիսկոս Պապին եւ մասնակցութեամբ աւելի յիսուն հազար մանուկներու որոնք եկած էին տարբեր վայրերէն ու նաեւ պատերազմի դաշտ դարձած երկիներէն։