Լեւոն ԺԴ.ի 2025 թուականի Օգոստոս եւ Սեպտեմբեր ամիսներու օրակարգը

Վատիկան Նիուզ – Հայկական Բաժին

Քահանայապետական ծիսակատարութիւններու արարողապետ, Արքեպիսկոպոս Տիեկօ Ռավելլին այսօր` 3 Յուլիսին հրապարակեց 2025 թուականի Օգոստոս եւ Սեպտեմբեր ամիսներու ընթացքին Լեւոն ԺԴ․ Սրբազան Քահանայապետի կողմէ գլխաւորելիք ծիսական արարողութիւններու օրակարգը, որ կը ներկայացնենք ստորեւ․

3 Օգոստոսին, ժամը 9:00ին Հռոմի «Tor Vergata» թաղամասէն ներս Սրբազան Պապը պիտի նախագահէ Սուրբ Պատարագի արարողութեան՝ Երիտասարդութեան Յոբելեանի առթիւ։

15 Օգոստոս, ժամը 10:00ին Տիրամօր Վերափոխման Տօնին առիթով, Լեւոն ԺԴ․ Քասթել Կանտոլֆոյի «San Tommaso da Villanova» Քահանայապետական ​​ծխական համայնքէն ներս պիտի մատուցանէ Սուրբ Պատարագ։

7 Սեպտեմբեր, ժամը 10:00ին Սուրբ Պետրոս հրապարակին վրայ Նորին Սրբութիւնը պիտի գլխաւորէ Սուրբ Պատարագի եւ Երանելի Փիեր Ճորճօ Ֆրասսաթի ու Երանելի Քարլօ Աքութիսի Սրբադասման արարողութիւնը։

14 Սեպտեմբեր, ժամը 17:00ին «San Paolo fuori le mura» Քահանայապետական Պազիլիքայէն ներս Պապը պիտի գլխաւորէ Նոր նահատակներու- հաւատքի վկաներու համամիութենական ոգեկոչման արարողութիւնը։

28 Սեպտեմբեր, ժամը 10:00ին Սուրբ Պետրոս հրապարակին վրայ Սրբազան Հայրը պիտի նախագահէ Սուրբ Պատարագի արարողութեան՝ Կրօնուսոյցներու Յոբելեանի առթիւ ։