43 տարիներ առաջ Քահանայ կը դառնար Հայր Ռոպերթը

Վատիկան Նիուզ - Հայկական Բաժանմունք 

Այսօր` 19 Յունիսին Լեւոն ԺԴ.  կը  նշէ` Վատիկանի մօտ գտնուող Սրբուհի Մոնիքայի եկեղեցւոյ մէջ կայացած իր Քահանայական ձեռնադրութեան 43 ամեակը, որուն առիթով Սուրբ Աթոռի Հաղորդակցութեան Վերատեսչութեան ընդհանուր տնօրէն Տիար Անտրէա Թոռնիելլին հրատարակեց յօդուած մը, որուն մէջ ի միջի այլոց գրած է հետեւեալը. 

«Ես չեմ կարող ձեզ բոլորդ սովորական հացով կերակրել։ Բայց այս Խօսքը ձեր բաժինն է։ Ես ձեզ կը կերակրեմ նոյն սեղանէն, որ զիս կը կերակրէ։ Ես ձեր ծառան եմ»։ Այս խօսքերը կ՛արտայայտեն Սուրբ Օգոստինոսին միտքը պարունակուած  339 քարոզին մէջ եւ տեղադրուած 19 Յունիս1982-ին Ռոպերթ Ֆրանսիս Փրեվոսթի Քահանայական ձեռնադրութեան առիթով եւ ի յիշատակ բաժնուած սրբապատկերին վրայ, որ կը ներկայացնէր Վերջին ընթրիքը։ 

Քառասուներեք տարիներ առաջ Լևոն ԺԴ-ը քահանայ դարձաւ Հռոմի Սրբուհի Մոնիքայի մատրան մէջ, որ  Վատիկանէն և Քահանայապետի ժամանակաւոր նստավայր Փիացցա Տել Սանդ' Ուֆֆիցիօ հրապարակէն երկու քայլ անդին է: 

Ձեռնադրութիւնը շնորհեց Պելկիացի արքեպիսկոպոս Ժան Ժադոն, որ այդ ժամանակ ոչ քրիստոնեաներու քարտուղարութեան նախագահի տեղակալն էր, եւ ատկէ առաջ ծառայած էր որպէս առաքելական պատուիրակ և համ-պատւիրակ  Ասիայի, Ափրիկէի և Ամերիկայի Միացեալ Նահանգներուն մէջ:

Իր ձեռնադրութեան օրը Հայր Ռոպերթ Ֆրանսիս Փրեվոսթը 27 տարեկան էր և արդեն Կանոնական Իրաւագիտութիւն ուսանած էր Սուրբ Թովմաս Աքուինացիի Քահանայապետական  ​​համալսարանին մէջ: Ան հինգ տարի առաջ միացած  էր Սուրբ Օգոստինոսի միաբանութեան և հանդիսաւոր երդման ուխտը կատարած էր  1981 թուականին: 1985 թուականին ան որպէս առաքեալ կ՛ուղարկուի  Փերու՝ ծառայելով Փիուրայի Չուլուքանասի առաքելութեան մէջ:

Լեւոն ԺԴ. Քահանայական ձեռնադրութեան օրը ընտրած ծառայութեան այդ խօսքերը կրկնեց երբ առաջին անգամ Սուրբ Պետրոս Պազիլիքայի մէջ, որպէս Հռոմի Եպիսկոպոս, ձեռնադրեց նոր քահանաներ` 31 մայսի 2025-ին

«Սիրելի՛ քահանաներ, դուք ձեզ պատկերացուցէք Յիսուսի ճանապարհով։ Աստուծոյ ծառաներ ըլլալը, Աստուծոյ ժողովուրդ ըլլալը մեզ կը  կապէ երկրի հետ՝ ոչ թէ իտէալական աշխարհի, այլ իրական աշխարհի հետ։ Յիսուսի նման,  Հայրը  ձեր ճանապարհին վրայ կը դնէ մարմնով  և արիւնով մարդիկ։ Դուք ձեզ  նուիրեցէք անոնց, առանց ձեզ առանձնացնելու, առանց ձեզ մեկուսացնելու, առանց ընդունած պարգևը տեսակ  մը արտօնութիւն դարձնելու… «Քրիստոսի սէրը արդարեւ մեր վրայ կը տիրէ», սիրելի՛ եղբայրներ և քոյրեր։ Անիկա տիրութիւն  մըն է, որ մեզ կ՛ ազատագրէ և թոյլ կու տայ մեզ չտիրանալ ոչ մէկուն։ Ազատագրեցէ՛ք, մի տիրանաք։ Մենք  Աստուծոյ կը պատկանինք. չկայ աւելի մեծ հարստութիւն, որը կարելի է գնահատել եւ կիսել։ Ասիկա միակ հարստութիւնն է, որ, երբ կը կիսուի բազմապատկուի»։

Լեւոն ԺԴ Պապը,  որպէս Կարդինալ 2023-ի  30 սեպտեմբերին Ֆրանչիսկոս Պապին կարգադրութեամբ դարձաւ Սրբուհի Մոնքիայի  Եկեղեցւոյ  տիտղոսաւոր սարկաւագ Կարդինալ` ճիշտ այն վայրը  ուր 1982 թուականին ան ընդունած էր քահանայական ձեռնադրութիւնը։